سيد رجب: عندي أولادي وأحفادي لكن عايش لوحدي

كشف الفنان سيد رجب أسرار من حياته الشخصية والمهنية، موضحًا علاقته بأبنائه، وموقفه من الشهرة بعد سن كبير.

قال الفنان سيد رجب في تصريحات تلفزيونية له: «أنا عندي أولادي وأحفادي.. لكن دلوقتي عايش لوحدي لأن كل واحد له حياته والوحدة حاجة مش كويسة».

تصريحات سيد رجب

وتحدث الفنان عن لحظة تحوله من مهندس بشركة النصر للسيارات، إلى ممثل، مؤكدًا أن الشهرة لم تغير فيه شيء، وأرجع سبب ذلك أن شهرته جاءت في وقت متأخر.

وقال سيد رجب أيضًا: «أتمنى من كل قلبي إن ميبقاش في فرق بين سيد رجب قبل الشهرة وبعد الشهرة، والحمد لله إني دخلت عالم التمثيل والشهرة متأخر وكنت واعي لخطورته.. خُفت إني اتغير والحمد لله أنا بقول إني متغيرتش».

سيد رجب فيلم 19 ب

سيد رجب مسلسل أبو العروسة

واستكمل: «عيب الموضوع ده إنك تتنازل عشان تثبت أنك متغيرتش وتبذل مجهود، لو كنت اتشهرت وأنا عندي 20 أو 25 سنة مكنتش عارف النتيجة إيه».

كما تحدث الفنان سيد رجب عن مسلسل أبو العروسة، الذي حقق خلاله نجاحًا كبيرًا، وأشار إلى أنه كان متخوفًا من المشاركة بالعمل.

أسرار سيد رجب

قال سيد رجب في حديثه عن أبو العروسة: 'لما اتعرض عليا أبو العروسة كنت شايف أن المسلسل بسيط وبطولة وأنا بخاف ومش عايز اتحمل مسئولية مسلسل كامل أنا البطل فيه'.

وتابع: 'اشتغلت فيه ومن خلاله شفت أمي وأبويا وخالتي شفت عيلتي، رجعتلي حياتي القديمة وكان جزء من سبب أني أخد قرارات في حياتي'.

واستكمل سيد رجب حديثه، قائلًأ: 'طول تصوير مسلسل أبو العروسة كنت جوا أسرتي اللي شايفها وأنا صغير، أنا عندي أولاد زياد وبسمة وعندي حفيدين هنا ونوح لكن أنا عايش وحدي'.

وواصل: 'كل واحد فيهم منشغل في حياته ودا طبيعي، لكن 'هنا' حفيدتي دلوقتي كلنا حواليها، أنا نفسي أحفادي يشوفوا وعيشوا اللي أنا عيشته وأنا صغير'.

واختتم سيد رجب حديثه: 'فكرة العيلة لقيتها في مسلسل 'أبو العروسة' ولقيت حياتي اللي كنت بحبها وأنا صغير واتربيت ونشأت على أساسها'.

سيد رجب