سيد رجب عن أبو العروسة: كنت خايف ومش عايز اتحمل مسئولية مسلسل كامل

تحدث الفنان سيد رجب عن مسلسل أبو العروسة، الذي حقق خلاله نجاحًا كبيرًا، وأشار إلى أنه كان متخوفًا من المشاركة بالعمل.

سيد رجب يتحدث عن مسلسل أبو العروسة

قال سيد رجب في حديثه عن أبو العروسة: 'لما اتعرض عليا أبو العروسة كنت شايف أن المسلسل بسيط وبطولة وأنا بخاف ومش عايز اتحمل مسئولية مسلسل كامل أنا البطل فيه'.

وتابع: 'اشتغلت فيه ومن خلاله شفت أمي وأبويا وخالتي شفت عيلتي، رجعتلي حياتي القديمة وكان جزء من سبب أني أخد قرارات في حياتي'.

تصريحات سيد رجب

واستكمل سيد رجب حديثه، قائلًأ: 'طول تصوير مسلسل أبو العروسة كنت جوا أسرتي اللي شايفها وأنا صغير، أنا عندي أولاد زياد وبسمة وعندي حفيدين هنا ونوح لكن أنا عايش وحدي'.

وواصل: 'كل واحد فيهم منشغل في حياته ودا طبيعي، لكن 'هنا' حفيدتي دلوقتي كلنا حواليها، أنا نفسي أحفادي يشوفوا وعيشوا اللي أنا عيشته وأنا صغير'.

واختتم سيد رجب حديثه: 'فكرة العيلة لقيتها في مسلسل 'أبو العروسة' ولقيت حياتي اللي كنت بحبها وأنا صغير واتربيت ونشأت على أساسها'.