سيد صادق: مكتفي بتاريخي ولن أقدم أعمال أخرى

تحدث الفنان الكبير سيد صادق عن تكريمه بمهرجان القاهرة للدراما في دورته الثانية عن مسيرته الفنية.

سيد صادق يتحدث عن تكريمه

قال سيد صادق في تصريحات تلفزيونية: 'شعور جميل وأتمنى أن يدوم لأني حسيت أن الدولة والنقابة بيفكروا في الناس بالفنانين اللي الجمهور قرب ينساهم'.

وتابع: 'انصح الفنانين اللي مش بيمتلكوا مهنة آخرى، لازم يكون عندك مجال أخر للرزق لازم تسعي علشان الرزق وعلشان متبهدلش ويقولوا عليك مش لاقي تاكل وبتشتغل سواق تاكسي'.

أعمال سيد صادق

واستكمل سيد صادق حديثه، وقال: 'في أعمال سينمائية بتتعرض عليا بيكون المنتج جاى ومتعشم اوي طيب اشوف اسم البطل اللي هيشيل الفيلم الاقي اسماء ضعيفة جدًا عشان كدة مش هقدم أى عمل لاني بكتفي بتاريخي واعمالي اللي قدمتها أنا وضعي مستور والحمد لله عيالي عايشين العيشة اللي كنت بتمناها لهم'.

واختتم حديثه، وقال: 'عندنا في النقابة نقيب من أحسن النقباء اللي مسكوا النقابة لأن النقيب دة دكتور أشرف زكي اللي بعرفة من 35 سنة هو هو متغيرش وبيخدم الناس بطريقة مهولة فمن حظنا أن أشرف زكى ربنا مسخره للنقابة وخدمة الناس'.