شاهيناز عن الانتقادات وخلع الحجاب: «الناس كانت بتدعي عليا»

ردت المطربة شاهيناز على منتقديها، مدركة أن مع الوقت إرضاء جميع الناس أمر مستحيل.

قالت شاهيناز عبر تصريحات تلفزيونية: «ربنا إداني صوت مميز مش شبه حد تاني، تعرضت للهجوم ووصلت إن الناس تدعي عليكي.. هو ربنا هيتقبل دعوة أذية؟ أكيد لأ».

وأشارت إلى أنها كانت تتأثر في البداية بما تتعرض له من هجوم وانتقادات، معلقة: «كنت بزعل، وعرفت إن مهما عملتي مش هترضي كل الناس».

وفيما يخص قرار خلعها الحجاب بعد ارتدائه لمدة 7 سنوات، قالت شاهيناز إنها لم تتمكن من الاستمرار في ارتدائه.

وأكدت أن التقرب إلى الله لا يرتبط بالحجاب وحده، مضيفة: «قلعت الحجاب بعد 7 سنين، مقدرتش أكمل، مش هو بس اللي بيقرب من ربنا، وفي اللي بيقدر عليه وفي لأ.. وممكن تاخدي قرار ومتكونيش عارفة إيه سبب القرار، مش عارفة أنا ليه بعدت».

واختتمت شاهيناز: «أنا بعدت عن الكل مرة واحدة، عن الفن وعائلتي والخروج، انعزلت واكتئبت، ومكونتش فاهمة اللي أنا بمر بيه، واللي حواليا معرفوش يتناقشوا معايا».