شاهيناز: مش هشتري نجاحي بفلوس والمساكنة من أنواع الزنا

علقت الفنانة شاهيناز على فكرة المساكنة، وكشفت موقف صادم تعرضت له أثناء استضافتها بأحد البرامج.

قالت شاهيناز في تصريحات تلفزيونية لها: «مقدمة برامج محترمة فريق إعدادها تواصل معايا وكلموني إني أكون ضيفة معاها ووافقت وظبطت مواعيدي على هذا الأساس ولقيتهم بيكلموني قبل الحلقة بيومين».

تصريحات شاهيناز

وتابعت: «بيكنسلوا الحلقة قولت لهم مفيش مشكلة لكن أعرف السبب، اتهربوا شوية لكن حد في بينا علاقة مهنية لطيفة كلمني قالي من غير ما تزعلي هي قالت لنا أصل هجيب شاهيناز أتكلم معاها في إيه هي ملهاش فضيحة ولا جواز وطلاق».

واستكملت الفنانة شاهيناز قائلة: «ده اللي حصل.. لغت الحلقة علشان مفيش فضيحة.. أنا مشتمتش حد مثلًا ولا اتجوزت في السر ورجعت.. أنا كنت تريند قبل ما التريند يبقى موجود».

المطربة شاهيناز

المطربة شاهيناز

وأضافت: «غنيت أغنية من قبل ما المسابقة تخلص الناس كانت بتغنيها مش في مصر بس في الوطن العربي، مش هشتري نجاحي بفلوس وأنا نجحت بصوتي وموهبتي وبأغنية حلوة عملتها».

وعلقت شاهيناز على فكرة المساكنة، قائلة: «أرى أنها نوع من أنواع الزنا وأنا متدينة ولا أقبل بهذا الأمر».