شريف خيرالله يروي ذكرياته عن نادية الجندي وعبدالله غيث..فيديو

روى الفنان شريف خيرالله، ذكرياته مع الفنانة الكبيرة نادية الجندي والفنان الكبير الراحل عبد الله غيث.

شريف خيرالله ونادية الجندي

وقال شريف خيرالله، ببرنامج تفاصيل الذي تقدمه الإعلامية نهال طايل عبر قناة صدى البلد 2: «نادية الجندي غاية في الإلتزام.. والله والله والله نادية في فيلم عصر القوة عام 1992 كانت بتنزل الساعة 7 الصبح تروح الجيم وتخلص الرياضة اللي بتمارسها الساعة 9 الصبح وتيجي على التصوير، وهي ست بتحافظ على نفسها وصحتها ورياضتها، فلازم تبقى بالشكل الحلو اللي هي فيه وبنشوفه دلوقتي».

وتابع شريف: «لم أعرف نادية الجندي بطلة الفيلم، لكن لما اشتغلنا مع بعض وعرفتها أصبحنا أصدقاء».

شريف خيرالله وعبدالله غيث

وعن ذكرياته مع الفنان الراحل عبد الله غيث، فأضاف: «أستاذ عبدالله قالي في مرة يا واد يا شريف أنت عامل شغل كويس أوي وهرشحك في حاجة معايا، وفعلا رشحني في حاجة دينية فيها ركوب خيل، وكلموني في الشركة قولتلهم أنا معنديش وقت عشان أدرب على ركوب خيل، وكنت بدرس وقتها وطالب في المعهد، وعندي شغل تاني، ومكنتش أعرف وقتها إن هو اللي رشحني».