شريف خيرالله يروي موقف مؤثر مع الراحل نور الشريف .. فيديو

كشف الفنان شريف خيرالله، لأول مرة عن موقف مؤثر جمعه مع الفنان نور الشريف.

وقال شريف خيرالله ببرنامج تفاصيل الذي تقدمه الإعلامية نهال طايل عبر قناة صدى البلد 2: كنت طالب في المعهد وكان الاستاذ نور الشريف حاضر عرض في الأكاديمية ورشحني في دور بفيلم الطيب والشرس والجميلة، وتقابلت مع مدير الإنتاج الأستاذ عبدالرؤوف عام 1993 والمخرج مدحت السباعي، وقالولي هنعمل شوية تعديلات في السيناريو ونبعتلك، ومبعتوليش وبدأ الفيلم تصوير.

وتابع شريف خيرالله: فقولت مفيش مشكلة راحت لحد تاني ومفيش نصيب، وفجأة لقيت الأستاذ عبدالروؤف بيكلمني بعد مرور 10 أيام تصوير من الفيلم، يا أستاذ شريف بكرة تيجي مدينة السينما عندك تصوير، فقولتله (يعني إيه يا أستاذ عبد الروؤف تعالا بكرة وأنا مخدتش السيناريو أقراه، فقالي هات بدلتين معاك وتعالا التصوير.. معلش الأستاذ نور قال كلموا شريف خلوه يجي».

واستكمل حديثه: «أنا تخيلت أنهم بيعملوا الحكاية دي من ورا الأستاذ نور الشريف، ولم أذهب للتصوير، فجابوا حد مكاني وعرفت بعدها إن الأستاذ نور زعلان مني».

وأضاف: روحتله وحكيتله اللي حصل وقالي (بص يا شريف أنا كنت عايزك في الفيلم وكان فيه حرب على الدور اللي أنت كنت هتعمله، لأن معايا حد بالفيلم مرشح حد تاني للدور وأنا مش عايزه، ففضلت ساكت ومنيم الدنيا لحد يوم التصوير وقولتلهم كلموا شريف، وأنت مجتش».