شريف منير عن عودته للمشاركة في فيلم يوم 13: رحلت ثم عدت بعد إصابة محمد شاهين.. فيديو

إسماعيل هاني 05 مايو 2023 | 11:51 مساءً

تحدث نجوم فيلم يوم 13 عن التجربة ونجاح العمل الذي عرض في موسم عيد الفطر المبارك 2023 ويتصدر حاليا قائمة إيرادات أفلام العيد ويحتل المرتبة الأولى وصدارة الإيرادات.

شريف منير: لعبت دور محمد شاهين بعد إصابته بانزلاق غضروفي

قال الفنان شريف منير خلال لقائه مع الإعلامية شيرين سليمان ببرنامج «سبوت لايت»، المذاع على قناة صدى البلد عن فيلم يوم 13: قعدنا فترة الكورونا كلها عشان نعمل الفيلم نسخة 3D ، ومكنتش هلعب الدور اللي قدمته في الفيلم، وكان فيه دور غيره واعتذر عن تقديمه، وقولته دور الدكتور قيسون عاجبني فالمخرج وائل عبدالله

قالي ده هيلعبه محمد شاهين، وقولتله مفيش نصيب في الفيلم ده ونتقابل بعدين ، وبعد اسبوعين محمد شاهين جاله انزلاق غضروفي ومكنش يقدر يتحرك، ولقيت وائل بيكلمني عشان الدور.

محمود عبدالمغني: مبسوط بالعمل مع وائل عبدالله بعد رحلة طويلة

الفنان محمود عبدالمغني قال عن يوم 13: مبسوط بالتجربة وتجربة مختلفة ولاول مرة في مصر فيلم عربي مصري 3 دي، ومبسوط بالعمل مع وائل عبدالله بعد رحلة طويلة من الملاكي للشبح للجزيرة لمقلب حرامية .

أحمد داود عن يوم 13 :متحمس ومبسوط بيه جدا

قال الفنان أحمد داود: بقالنا اكتر من سنتين مستنيين الفيلم يتعرض، ومتحمس ومبسوط بيه جدا، وعشان تعمل فيلم 3 دي، البوستر بياخد وقت كتير جدا، والحاجات اللي بعد التصوير بتاخد وقت أكتر.

نسرين أمين: تجربة رعب وان شاء الله يعجب الناس

الفنانة نسرين أمين قالت: أول فيلم في العالم العربي كله يتعمل 3 D، وتجربة رعب وان شاء الله يعجب الناس كلها.

أحداث فيلم يوم 13

أحداث فيلم يوم 13 دارت في إطار من الإثارة والتشويق عن عز الدين الذي يعود إلى مصر بعد غياب 25 سنة ويسعى لبيع القصر الذي ورثه عن أبيه إلا أنه يفاجأ بشائعات أن القصر مسكون بالأرواح.

فريق عمل فيلم يوم 13

يخوض بطولة فيلم يوم 13 كل من أحمد داود ودينا الشربيني وشريف منير وأحمد زاهر وجومانا مراد وأروى جودة ومحمود عبد المغني ومجموعة كبيرة من النجوم، ومن إنتاج شركة أوسكار للتوزيع ودور العرض - لؤي عبد الله.