شريف منير بعد مشاركته في افتتاح المنصورة الجديدة: شرف عظيم.. تحيا مصر

علق الفنان شريف منير على مشاركته باحتفالية افتتاح المرحلة الأولى لمشروعات مدينة المنصورة الجديدة، بحضور الرئيس عبدالفتاح السيسي.

أول تعليق من شريف منير بعد مشاركته في افتتاح مشروعات المنصورة الجديدة

شارك الفنان شريف منير متابعيه وجمهوره بنشره مقطع فيديو له، أثناء مشاركته في افتتاح مروعات المنصورة الجديدة، عبر صفحته الرسمية بموقع التواصل الاجتماعي لتبادل الصور والفيديوهات انستجرام.

وعلق شريف منير على الفيديو قائلًا: «كان شرف عظيم ليا.. تحيا مصر»، وقال في الفيديو: «أنا ابن من أبناء المنصورة، الإنجازات طبعًا واضحة ومالية مصر كلها، حاجات اتعملت في لمح البصر، يا ريس أنا كل يوم بقوم بلاقي بلدنا متغيرة، أروح مشوار وأرجع الاقي الدنيا متغيرة».

وأضاف شريف منير: «أنا من سكان حي المقطم، اللي أصبح مدينة في منتهي الروعة، أحكي لكم نبذة عن حياتي وعلاقتي بمدينة المنصورة، أنا اتولدت في المنصورة وحبيت الفن في المنصورة بلد عظيمة وناسها حلوين».

شريف منير بافتتاح المنصورة الجديدة

كلمة شريف منير أمام الرئيس السيسي

واستكمل شريف منير: «روحت مركز ثقافة مدرسة المشاغبين مسرحية اتفرجت عليها قبل ما شوفها في التلفزيون أو على المسرح.. ابن خالتي خدني نروح نتفرج على العروض ونستمتع بها، الآلة اللي بحبها واللي احترفتها في وقت من الأوقات حبيتها من المنصورة».

وتابع في كلمته أمام الرئيس السيسي: «كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفتوه عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر».

واختتم: «لعالم كله كان بيقابل تحديات، إحنا هنا كنا بنعمل إنجازات واضحة، واللي مش مصدق مع نفسه بقى ملناش دعوة، البلد كلها اتغيرت للجمهورية الجديدة، المنصورة خرج منها عمالقة».

شريف منير عن المنصورة الجديدة: بنام وأصحى ألاقي الدنيا متغيرة

الرئيس السيسي يتفقد مدينة المنصورة الجديدة