شريف منير يكشف موقفه من زواج ابنته بشخص أكبر منها في السن

كشف الفنان شريف منير موقفه ورأيه إذا أرادت ابنته أن تتزوج من شخص أكبر منها في السن، وذلك على غرار ما حدث ضمن أحداث فيلم ليه تعيشها لوحدك.

قال شريف منير في المؤتمر الصحفي لفيلم ليه تعيشها لوحدك ضمن فعاليات مهرجان المركز الكاثوليكي: «لو بنتي فجأة قالت لي أنا هتجوز واحد فيه فرق كبير بيني وبينه في السن، ممكن أوافق».

تصريحات شريف منير

وتابع: «لأن دلوقتي بقى فيه عيال تافهة كتير وبرضه فيه بنات مش قد المسئولية وبيفكروا في الفستان والفرح بس، وأعتقد أن الفيلم لم يحصل على القدر الكافي من الدعاية، وعند عرضه على المنصات حقق رد فعل كبير مع المشاهدين».

واستكمل شريف منير: «العمل لم يحصل على نسبة الدعاية المناسبة، وليس على قدر التعب اللي إحنا تعبناه فيه، وفكرة العمل عادية ولا أجد أزمة في أن شخص يحب بنت صديقه».

 مؤتمر فيلم ليه تعيشها لوحدك في مهرجان المركز الكاثوليكي

واختتم: «أنا بشكر كل الناس اللي اتفرجت على الفيلم، ثانيًا أنا ببقي سعيد وأنا شايف عرض فيلم ليا في مهرجان المركز الكاثوليكي للسينما لأنه عريق وشاف نجوم كبار جدًا.. المجتمع ممكن يكون يشوف علاقتي في الفيلم مع سلمي أبو ضيف خيانة لخالد الصاوي، بس المشاعر والحب ملهمش كبير، وأنا اتبسطت بالفيلم والشيء اللي زعلني إني مشوفتش دعاية بحجم التعب اللي تعبناه».