شقيقة أحمد السقا ترد على مها أحمد: « أبهرتني بأخلاقك العالية»

ردت فاطمة السقا، شقيقة الفنان أحمد السقا، على منشورالفنانة مها أحمد.

وكتبت فاطمة السقا، عبر حسابه الشخصي «فيس بوك»، قائلة: «‎أبهرتينى يا مها بأخلاقك العالية.. وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه 'ندل' اللى هو أحمد السقا».

وأضافت، «أنا بقولك قدام الناس قطع لسان أى حد يقول عليه كده لأنه راجل اكرمك ووقف جنبك أنتى ومجدى بدل المرة الف، وأمير كرارة بردو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان بس هو أى حد يتمنى يشتغل معاه دلوقتى أكيد.. وكلمة الدور بينادى صاحبه دى بتاعة أفلام.. ما بتتقالش فى الحقيقة، كفايا دراما وتشويه للناس».

وتابعت حديثها، «وبعدين هما كممثلين مش مطالبين يقفو جنبك ولا يجيبولك أدوارعلى فكرة.. دى رؤية مخرج وناس بتوع كاستنج.. الحقيقة أنا مش عارفة أنتى عايزة إيه.. أنا مش شايفة بعد العشرة الطويلة اللى أنتى قولتى عليها غير كمية الحقد والسواد والشماتة اللى كانو متداريين ورا ابتسامة كدابة .. معرفش أنتى إزاى كنتى بتدخلى بيوتنا الصراحة وأنتى ست وحشة كده.. ونسيت أقولك السب والتطاول ده بيدل على الأصل.. وإحنا بقى ولاد ناس مع أننا عندنا كلام كتير أوى يتقال».

منة فضالي عن أحمد السقا: «نجم بأخلاقك وحبك لفنك»

برومو مسلسل «نسل الأغراب» لأحمد السقا وأمير كرارة .. فيديو