شقيقة إيناس النجار: حسدوكي حسد مميت وحقها مش هيروح

أثارت سوار النجار شقيقة الفنانة إيناس النجار ضجة واسعة وجدلًا كبيرًا خلال الساعات الماضية، بسبب حديثها عن سبب وفاة شقيقتها من جديد.

كتبت شقيقة إيناس النجار في منشور عبر خاصية الستوري التابعة لحسابها الرسمي بموقع انستجرام: «ورحمة إيناس وغلاوتك يا إيناس.. وأنا أول مرة أحلف برحمتك في حياتي، حقك من كل حد اتكلم كلمة مش صح، من كل حد عايز يطلع تريند ويجيب مشاهدات على حسابك».

تصريحات شقيقة إيناس النجار

وتابعت: «كل حد بيألف قصص وروايات وعايش فيها، كل حد أذاكي وضرك ووجعك، وكان سبب في يوم من الأيام في أذى ليكي، مش هسيب حد أنا معنديش حاجة أخسرها أو أخاف منها، معنديش أغلى حاجة في عمري وحياتي راحت مني.. كتير كنتي انتي تتمني لناس الخير وتحبيهم وتعملي عشانهم بس هما ناس مريضة كانت تشوفك تتمنى اللي في إيدك ليهم حسدوكي حسد مميت».

وأضافت إيناس النجار: «أنا حلفت بأغلى حاجة في عمري كله، حقها مش هيروح لآخر يوم في عمري من كل حد عمل حاجة أذيتك يا إيناس في حياتك وفراقك».

شقيقة إيناس النجار تودعها بكلمات مؤثرة

واختتمت: «ربنا يرحمك يا حبيبتي ويغفرلك ويجعلك من أهل الجنة ويجعلك راضية مطمئنة، يارب نزل علينا صبرك أضعاف أضعاف غلاوتها في قلوبنا يارب.. بنموت والله أنت عالم بحالنا يارب».