ردت الفنانة المعتزلة شمس البارودي على منتقديها، ومروجي شائعات إصابتها بالجنون وإيداعها بمستشفى الأمراض العقلية.
قالت شمس البارودي عبر حسابها الرسمي بموقع فيس بوك: «فيه حالة من الهجوم غريبة جدًا على شخصي بشكل مش طبيعي ومنظم كأن يعني حد موظفهم لكده».
رد شمس البارودي على منتقديها
وتابعت: «يعني إيه واحد حاطط عنوان إيداع شمس البارودي بمستشفى الأمراض العقلية، يعني أنا مش فاهمة طب أرد عليه إزاي، وواحد تاني يقول لك شمس البارودي اتجننت».
واستكملت شمس البارودي: «إيه السفالة وقلة الأدب دي أنا مش فاهمة يعني ليه، أنا بعمل فيديوهات زي كل الستات اللي بتعمل محتوى بس أنا بعمل محتوى محترم وراقي إيه اللي واجعكم فيه؟ يعني أنا مش فاهمة إزاي أنتوا بتجيبوا الكلام ده وإزاي بتحطوا العناوين دي؟».
تصريحات شمس البارودي
وفيما يخص الانتقادات المتعلقة بمظهرها وملابسها، علقت قائلة: «أنا ست متمسكة بحجابي، أنا خلاص مش مقتنعة بالنقاب».
