شمس البارودي تكشف تفاصيل محاولة اختراق حسابها على فيسبوك ونشر محتوى غير لائق

تحدثت الفنانة المعتزلة شمس البارودي عن لحظات من القلق والتوتر مرّت بها، بسبب محاولة اختراق حسابها الشخصي على فيس بوك.

كتبت شمس البارودي في منشور عبر حسابها الشخصي بموقع فيس بوك: «صايمة الحمدلله وصاحية من الفجر قلت أدخل أريح شوية غفلت وأنا لسه في أول النوم التليفون عمال يرن سمعاه ومش قادرة أقوم بس دي رنة الماسنجر سكت ورن تاني سكت ورن قمت وأنا حاسة بدوخة لقيت تليفونات كتير من حبيباتي المتابعين وكمان من بنتي اتخضيت مش ده الوقت اللي بنتكلم فيه كل يوم».

وتابعت: «طلبت بنتي في إيه يا نونو خير يا بنتي يا ماما صفحتك نازل عليها فيديو مخل ومحطوط اسمك مشيراه وأنتي مغيرة الباسورد لازم أدخل عندكم.. أدخلي يا ضنايا طيب أعمل إيه أنا ماتعمليش حاجة أنا هتصرف بس كالعادة مسمعتش كلام بنتي هيا دخلت عندي وأنا دخلت بسرعة لمحت واحدة عريانة ماتحققتش من أى حاجه حذفته بسرعة».

واستكملت شمس البارودي: «دخلت بنتي عملت اللازم بس هدتني ما أنا كنت مفزوعة وقالت لي كان لازم تسيبيه علشان نعمل بلاغ على الفيس بوك المخترق صفحتك وكأنك مشاركة في المصيبة اللي حاطتها عندي ماتقلقيش ياماما بتحصل كتير لأنك عندك متابعين كتير بيدخل مرضى يستغلوا الاسم طيب أنا أولا بشكر اللي كلموا بنتي وهي في شغلها قد كده محبة الناس الطيبة كلها خير وبنتي سابت شغلها علشان تحل لي المشكلة أنا بقة ببلغ اللي عملها وعكنن عليا نومة العصاري اللي بريح فيها قبل المغرب».

واختتمت: «ربنا ما يربحك ولا يريحك ولا يهدالك بال وتتوجع في جسدك وعقلك أكتر ما أنت موجوع يا كافر بكل الأديان والقيم مش عارفة أقولك غير يا كافر يا حقير يا زبالة يا كافر يا أوطى من أقذر حشرة أنت حتى ماتطولش تبقي حشرة وسيكشف الله سترك وهتتشوي في نار الدنيا ثم في نار جهنم».