شمس: الراقصة دينا منحتني طاقة ايجابية للحياة وهذه رسالتي للوسط الفني

كشفت الفنانة شمس، كواليس مقابلتها مع الراقصة والفنانة دينا، وأحد المنتجين، عقب تعرضها لاكتئاب بسبب عدم عملها خلال الفترة الماضية.

شمس تتحدث عن الراقصة دينا

قالت شمس في تصريحات تلفزيونية: 'قابلت دينا وقعدت جنبي بتاع ساعتين تلاتة  وأدتني طاقة ايجابية للحياة وحب المهنة تاني، قالتلي لازم تخرجي معانا قولتلها انا هخرج معاكي يا دينا عشان الحب باين في عنيكي، هخرج مع الناس اللي احس انهم بيحبوني مش هخرج عشان حد ينافقني او انافق حد او اعمل مصلحة من حد او العكس'.

وأضافت شمس: 'في ناس عايشة الدور ومن ضهرك بتكرهك وبتتكلم عليكي وحش.. كل حاجة بتوصل محدش بيقولك مين بس انتي بتعرفي من الكلام اللي بيترميلك، في ناس بتوصل الكلام، في حد ممكن يقولك رشحتك لدور بس فلانة قالت إن شاء الله، يعني إن فلانة بتكرهك'.

رسالة شمس للوسط الفني

واختتم الفنانة شمس حديثها، بتوجيه رسالة قاسية للوسط الفني، وقالت: 'عايزة اقول للناس دي كلها ان الكفن ملوش جيوب، وانا مفهمتش الجملة دي غير لما اخواتي ماتوا، لا في كفن هتاخد فيه فلوس ولا شغل، الناشس اللي بتكره الناس ومش بتتمنى الخير لبعض'.