شهيرة ترد على منتقدي «مي فاروق والعمروسي»: «أتقوا الله في لسانكم»

أعربت الفنانة شهيرة عن استيائها الشديد من الانتقادات الحادة والهجوم الذي تعرضت له الفنانة مي فاروق وزوجها الفنان محمد العمروسي، بعد إعلان زواجهما، وعبرت عن رغبتها في نشر السلام والمحبة بين الناس، منتقدة سلوكيات المتنمرين والمنتقدين الذين يتدخلون في الحياة الشخصية للفنانين دون وجه حق.

وأكدت شهيرة في منشور عبر صفحتها على فيس بوك، قائلة: «السلام عليكم ورحمة الله وبركاته بألقي السلام عليكم في الأول لأن نفسي يبقي فيه بينا سلام  أيوه سلام نفسي بين الناس وبعضها وبين الناس المتنمرين والشتامين للفنانين بالأخص هو أنتم ايه مشكلتكم ؟!! تطاول عمال علي بطال وبدون سبب ؟ والتدخل في حياتنا الشخصية بدون وجه حق نفسي من فترة طويلة أتكلم في الموضوع إلي أن وجدت الفرصة الذهبية اللي حمستني وأستفزتني وهو فرح الجميلة مي فاروق  ايه الجرم اللي عملته عشان عايزه تفرح هي وعريسها؟».

وتسائلت شهيرة عن موقفهم من القيم الدينية التي تحث على احترام الآخرين وعدم التفوه بالكلام الجارح، قائلة: «طيب أنتوا بتقولوا أحنا مابنخفش من ربنا ماشي خافوا أنتم منه وأتقوا الله في لسانكم هتعملوا أيه يوم الحساب ؟!! يللي بتعرفوا ربنا طيب الحديث اللي بيقول (هل يكب الناس في النار علي وجوههم إلا حصائد ألسنتهم) والآيه اللي بتقول  أيحب أحدكم أن يأكل لحم أخيه ميتا  فكرهتموه) ايه موقفكم من الكلام ده ياللي بتعرفوا ربنا هتتشدوا كده من لسانكم  علي النار بسبب تطاولكم وجرحكم  لناس معملوش حاجه غير انهم اتجوزوا علي سنه الله ورسوله وأعلنوا عن زواجهم  طريقتهم مش عجبتكم انتوا مالكم ماكل واحد حر في حياته  يحتفل ويفرح  براحته عيب والله تضايقوا ناس فرحانة  وتقرفوهم كده  الست ياعيني في مداخلة مستغربة من ردود أفعال المتنمرين والشتامين المهم  الناس دي  لو شافوا  فنان في اي مكان  يجروا وراه بالمشوار ممكن صورة ممكن سلفي أيه التناقض العجيب ده والله دايما أقول  بيحبوا الفن والفنانين لدرجة الكره ( الكراهية)، بأدعي لربنا أن الناس دي تروح تتعالج  مش كلام، بجد والله؛ لأن حسابكم بعد كده عسير  وبتاخدوا  برضه مننا  دعوات حلوة».

واختتمت الفنانة شهيرة منشورها بالدعاء للزوجين مي فاروق ومحمد العمروسي بالسعادة والهناء، قائلة: «عايزة أهني مي والعمروسي بزفافهم، وبليلتهم اللي كانت أكتر من رائعة بروحكم الحلوة وحب كل الموجودين لكم  يارب العمر كله بالسعادة والهناء، والسلام عليكم انهي البوست بتاعي بإلقاء السلام عليكم لكي يعم السلام والمحبة بين الناس».