شوبير: عاوز تنجح زي الأهلي؟..«تشتغل مش تشتغلنا»

أكد الإعلامي أحمد شوبير أن روشتة النجاح لتكون الأندية مثل النادي الأهلي تقوم على العمل ووضع قيم ومبادئ يسير عليها الجميع.

قال أحمد شوبير في تصريحات «إذاعية»:" عايز تنجح وتبقى زي الأهلي؟ يبقى تشتغل مش تشتغلنا، تشتغل يعني تجتهد وتتعب وتعمل نظام، وتكون منظومة وتضع أسس وتسير على مبادئ، لديك مسطرة الناس كلها تسير عليها، وهذا النظام يطبق على الجميع في النادي".

أضاف شوبير:" الأهلي بيكسب بالحكام؟ مش بيغنوا كده؟ الأهلي بيبني فروعه بالحكام، بيحقق إللي بيحققه في كرة اليد والسلة بالحكام؟ بيعمل التاريخ ده كله بالحكام؟".

تابع شوبير:" ياسيدي اشتغل وسيبك من الكلام ده، وموت نفسك علشان تنجح، وبتصدر هذه الأمور لجمهورك، بسأل أحد الأشخاص هتشجع الأهلي ولا الترجي؟ فقال الترجي.. هو في فرقة تأخذ الدوري 43 مرة، أومال بقية الفرق فين؟".

أتم شوبير:" عندما تبني وتأسس وتسيد وتضع أسس ومبادئ وقيم وتمشي بخطوات محسوبة تنجح، هذا هو الفارق بين إنك تشتغل أو تشتغلنا".