شوبير يوجه رسالة قوية لحسام وإبراهيم حسن: ماتتكلموش تاني أرجوكم

حرص الإعلامي أحمد شوبير، على توجيه رسالة إلى التوأم حسام وإبراهيم حسن المدير الفني ومدير الكرة لمنتخب مصر، بعد تصريحاتهما أمس الاثنين، في جلسة ودية مع الصحفيين بمقر اتحاد الكرة، لإيضاح الرؤية للجمهور، وآخر استعدادات الفراعنة قبل معسكر يونيو المقبل.

وقال شوبير، في تصريحات إذاعية، إنه لا يفضل التعليق على تصريحات التوأم، لكنه ينصحهما بعدم الحديث خلال الفترة الحالية، مضيفًا «رسالتي للتوأم حسام وإبراهيم حسن، بعد تصريحاتهم في مؤتمر امبارح، بقول لهم ماتتكلموش تاني في الإعلام الفترة دي أرجوكم».

وأضاف شوبير «أوقات كتير بيكون قلة الكلام مصلحة كبيرة، لكن إيه اللي استفدناه بعد البلبلة اللي حصلت بعد مؤتمر إمبارح، والكل عمال يهري في وقت ماينفعش فيه غير الدعم والالتفاف حول منتخبنا، ومش هناقش تصريحات التوأم ولا هتطرق ليها».

واختتم تصريحاته «دخلنا في خناقة، مش عارفين نشتغل صح بثوابت، لا الاتحاد بتاع شخص ولا الوزارة بتاعة شخص، وفيه ناس بتشتغل علشان عايزة نجاح لكن إحنا مش عايزين ننجح بالشكل ده».