شوبير يوجه صدمة بخصوص مباراة الأهلي وبيراميدز المقبلة

وجه الإعلامي أحمد شوبير صدمة تتعلق بمصير الخاسر من مباراة الأهلي وبيراميدز المقبلة لحساب الجولة الخامسة في الدوري المصري الممتاز بعد البداية المتعثرة للفريقين.

وسقط الأهلي في فخ التعادل السلبي أمام غزل المحلة ليفقد النقطة الرابعة خلال 3 مباريات خاضها الفريق  بالدوري حتى الآن، فيما تعرض بيراميدز لهزيمة أولى أمام مودرن سبورت بهدف لاثنين بعد بداية متعثرة فقد خلالها 4 نقاط من تعادلين وفوز وحيد.

وقال شوبير، خلال تصريحات إذاعية، «الأهلي عنده تحدي كبير قدام بيراميدز في الماتش الجاي»، مضيفًا: «المباراة الجاية بين الأهلي وبيراميدز هقول كلمة صعبة شويه معلش.. اللي هيخسر فيها فرصته في تحقيق الدوري هتبقى صعبه شوية».

وأضاف قائلًا: «حد يقولي نعم؟ أقوله اللي هيخسر هتبقى فرصته في الفوز بالدوري صعبة جدًا.. حد يقولي حتى الأهلي؟ أقوله أيوة حتى الأهلي.. هيقولي أنت بتهزر؟ هقوله لأ مش بهزر أنا بتكلم جد».

وأوضح قائلًا: «بيراميدز لحد دلوقتي خاسر 7 نقاط ومكسبشي غير مباراة واحدة الإسماعيلي بالعافية ولو خسر من الأهلي هيبقى فقد في خمس مباريات 10 نقاط وموقفه صعب. أما إذا خسر الأهلي أمام بيراميدز هتبقى عنده أزمة عنيفة جدًا جدًا وهتأكل الأخضر و اليابس في النادي والغضب قد يطول ناس كتيرة».

واستطرد قائلًا: «الجماهير مش مستحملة تعادل قدام غزل المحلة وبتطالب برحيل المدرب ففي حالة الخسارة أمام بيراميدز الموضوع هيبقى صعب جدًا».

وتابع قائلًا: «الدنيا مش هتبقى أحسن حاجه إذا لم يفز الأهلي على بيراميدز او فاز بيراميدز على الأهلي .. حتى لو الاثنين اتعادلوا .. كل فريق محتاج الماتش».

ومضى يقول: «الأمر هيبقى صعب مع ريبيرو في الأهلي في حاله التعثر وأنا شايف أن ريبيرو متسلم للجمهور للأسف.. الناس اللي مفروض يدافعوا عنه مش بيدافعوا عنه».