شوبير: التهريج مستمر في اختبارات اتحاد الكرة للحكام

علق الإعلامي أحمد شوبير، عضو اتحاد الكرة السابق، على اختبارات الحكام الجدد في اتحاد الكرة والرسوم المفروضة لقيدهم، وأماكن إجراء تلك الاختبارات.

قال شوبير في تصريحات إذاعية:' إمبارح اتكلمت عن موضوع الحكام والرسوم إللي عاملنها للحكام الجدد علشان تعمل اختبار، تدفع 1000 جنيه، وفي حكام بيعملوا إعادة قيد فبرضو 1000 جنيه، وإن ده رقم كبير جدًا'.

أضاف:' قولت بضرورة توفير مكانين في الوجه القبلي والبحري أيضًا وهكذا علشان الدنيا تمشي، اكتشفت إن الحكام إللي ماكانوش موجودين بقالهم فترة.. قالولهم ارجعوا بس ادفعوا الـ 1000 جنيه برضو'.

أشار:' هيعملوا الاختبار فين بقه؟ في إسكندرية.. قولت مركز عالمي وحاجه عظيمة جدًا علشان يجيبوا الحكم من أسوان أو الأقصر أو قنا..، اتراي الاختبارات هتتعمل في ملعب كلية تجارة..أه والله'.

واصل:' هتجبني من أسوان علشان تعملي اختبار في ملعب كلية تجارة، هيدوهم كورس في البيزنس أو إدارة الأعمال، في ايه يا جماعة؟'.

أكد:' ألف جنيه ده مستحيل، وإنهم يروحوا إسكندرية ده مستحيل، وإن ما حدش يرد علينا دي تسموها ايه؟، عدم اهتمام واكتراث، طب قولي عملت كده ليه؟ علشان اعرف أرد على حضرتك'.

أتم:' وقالك كشفت مصادر صحفية إن اتحاد الكرة قرر هذه الرسوم لزيادة موادره المالية، في 1800 حكم متقدمين للاختبار يا جماعة، أنا جالي أكبر كم من التليفونات موجود، على الأقل ردوا علينا وقولونا القصة شكلها ايه؟ والقرار ده هتغيروه ولا هتعملوا ايه'.

شوبير يكشف كواليس واقعة وفاة لاعب مطروح

شوبير: لجنة تقصي حقائق في وفاة سامي سعيد لاعب مطروح