شيرين رضا تتصدر التريند بسبب سر جمالها وقصة اعتزالها الفن.. تفاصيل

تصدرت الفنانة شيرين رضا التريند بمؤشر البحث الأشهر جوجل، ومواقع التواصل الاجتماعي المختلفة، بسبب تصريحاتها التلفزيونية الأخيرة التي أثارت ضجة واسعة، عن أسرار جمالها واعتزالها وعودتها للفن من جديد.

قالت الفنانة شيرين رضا في تصريحات تلفزيونية لها، إنها تحرص على الحفاظ على بشرتها من خلال جلسات مساج كل أسبوعين، مضيفة: «الأكل، تاخد بالك من صحتك تنام كويس دي حاجات المفروض تبقى بديهية الست لازم تاخد بالها من صحتها».

تصريحات شيرين رضا

وتابعت: «لازم ننام بدري ونصحى بدري علشان الشمس مهمة، الشمس بتدي فيتامين دي، علشان الأعصاب.. طبعًا أنا مبقولش أني مساعدتش نفسي أنا أه ساعدت نفسي بروح كل أسبوعين بعمل مساج على وشي، زي العربية محتاجة بنزين وصيانة لو موديتهاش كل شوية هتبوظ، أنا بعمل صيانة دايمة».

وعلقت شيرين رضا على ملامحها الأوروبية قائلة: «أعتقد السبب مش ألواني، لكن الناس دايمًا بتعامل الست الحلوة معاملة خاصة، الناس هي اللي بتشوفني، لكن أنا لازم أبص في المراية علشان أشوف إني شقرا وعينيا زرقا».

مسلسل الصفارة الحلقة 10

قصة اعتزال شيرين رضا

وأشارت إلى أنها كانت مترددة في العودة للتمثيل بعد فيلمين شاركت بهما مع النجم الراحل أحمد زكيوهما «النزوة، وحسن اللول»، معلقة: «لما عملت الفيلمين كنت صغيرة جدًا، ومش عارفة أعمل إيه، لكن كان في أحمد زكي ويسرا وعلي بدرخان، يعني كان في مساعدة.. بعدها بطلت فترة طويلة، وكنت مش عارفة أنا عايزة أرجع ولا لأ».

واستكملت الفنانة شيرين رضا حديثها قائلة: «مش متعودة على ساعات التصوير الطويلة والانتظار، ومسلسل بدون ذكر أسماء هو اللي خلاني أكمل»، لافتة إلى أن ترشيحها للدور كان بواسطة السيناريست الراحل وحيد حامد.

وقالت أيضًا: «كنت مبسوطة بثقة وحيد حامد، والمخرج تامر محسن كان مش مرحب بترشيحي، وكان دور صعب وأنا في أول التمثيل وكان مطلوب مني أتخن وأظهر ست مش عيلة صغيرة، وبدأت آكل كل حاجة».

شيرين رضا

شيرين رضا