شيرين رضا تتصدر تريند «جوجل» بعد تصريحاتها الجريئة .. « معنديش مانع مع الآذان .. ومش كل الناس مؤهلة للخلفة»

تصدرت الفنانة شيرين رضا، محركات البحث علي «جوجل»، بعد تصريحاتها في إحدى البرامج خلال الأيام الماضية، والتي أثارت جدلا علي السوشيال ميديا، ونعرض أبرزها.

شيرين رضا تتحدث عن الاذان

تحدثت شيرين رضا عن الاذان قائلة، «معنديش مانع مع الأذان، المشكلة معايا في مستوي الصوت، مش المفروض أي حد ممكن يأذن، المشكلة في مستوي الصوت مش أي حد ممكن يقوم يأذن للناس، يعني أنا مبعرفش أغني، مش كل صوت ينفع يغني ولا كل صوت ينفع يؤذن، وهو ده الانتقاد بتاعي، لازم المؤذن يكون صوته حلو».

وأضافت «أنا مش واحدة متخلفة عقليا عشان محبش الأذان، يعني أن ضد ربنا، أستغفر الله العظيم، ليه الناس بيطلعوني كدا، أنا ضد الصوت الوحش وليه الصوت ميكونش واحد للأذان».

تحدثت الفنانة شيرين رضا عن الرجال قائلة، «لو الراجل مراته تبقى 50 سنة.. عاوز يتجوز عيلة، مش بيعملوا كده؟!.. ومش من حقه يتجوز لما مراته تكبر مينفعش يبدلها زي العربية.. عيب.. عيب الست اللي وقفت جنبه طول حياته يعمل كده معاها».

كما أكدت الفنانة شيرين رضا، أن 70% من الرجال والسيدات في مصر غير مؤهلين للزواج ولديهم عادات سيئة متوارثة من أجيال بعيدة، قائلة: «مش كل الناس مؤهلة للخلفة وفي ناس بترمي أطفالها ودول ميستهلوش الأطفال و70% من الستات والرجالة مش مؤهلة يخلفوا».

وأضافت، «عمالين نخلف ونزيد ومش شايفين تنمية بتحصل عشان العدد، وفي أفكار لازم تتنسف من حياتنا ومفيش حاجة اسمها كل عيل بيجي برزقه ولو الراجل مشتغلش النهاردة رزقه هيجي منين، وعمرنا ما هنحس بكل المشروعات اللي بتحصل في بلدنا طول ما احنا بالتعداد ده».

شيرين رضا عن «الطفل الباكي»: «مش كل الناس مؤهلة تخلف»

شيرين رضا تروج لفيلمها الجديد قمر 14 قبل عرضه الليلة بدور العرض