شيرين رضا تكشف أسرار جديدة: «بلبس باروكة دايما وباخد مسكنات بسببها»

كشفت الفنانة شيرين رضا كواليس وأسرار من حياتها الشخصية لأول مرة، وذكريات طفولتها وأعمالها التي تتحدث عنها لأول مرة.

تصريحات شيرين رضا

قالت الفنانة شيرين رضا إن عملها هدفها في الحياة، وأشارت إلى أن صورتها مع والدها الفنان محمد رضا، وهي طفلة مازالت مؤثرة فيها، قائلة: «سايبة جوايا أثر لحد دلوقتي».

تابعت شيرين رضا في تصريحات تلفزيونية لها: «كل يوم بخرج من غير ميك اب وصوري كلها من غيره، والمكياج مهم بس للشغل مش للحياة».

وأكدت شيرين رضا أنه من الممكن أن تلجأ للمسكنات في حالة عدم تقدير الجمهور أو انتقادهم الزائد لها باستمرار، مضيفة: «بلبس بروكة في الشغل دايمًا وباخد مسكنات بسببها عشان بتعملي صداع».

شيرين رضا

أسرار شيرين رضا

استكملت شيرين رضا كلامها: «مش بيبقى عندي وقت أنام بسبب الشغل، وأخري 4 ساعات نوم، وكلمة أسف بتعصبني وبعتبرها شتيمة».

أضافت: «العلاقات ليها دعوة بالشخصية مش بالشكل، ومش بننام على مخدة واحدة عشان شكلنا حلو»، وتحدثت أيضًا عن علاقتها بنجمات الوسط الفني، لافتة إلى أن منة شلبي ودينا الشربيني صديقاتها.

قالت الفنانة شيرين رضا أيضًا: «بصرف فلوسي على الشوبينج والحب وراحة البال والسعادة مش بيتشروا، بحب ريحة الدخان الأسود اللي بيطلع من العربيات، وبستعمل برفانات رجالي أحيانًا».

ابنة شيرين رضا

كشفت الفنانة شيرين رضا مفاجأة حول حفل زفاف ابنتها نور عمرو دياب، وقالت أنها تستعد للزواج خلال الفترة المقبلة، من خطيبها الأجنبي.

وتحدثت شيرين رضا في أحد اللقاءات التلفزيونية عن حفل زفاف نور ابنتها، وقالت: «إحنا معندناش أفراح ومش بنعمل حفل زفاف، لأننا لا نؤمن بهذه الأشياء، وعمري ما لبست فستان فرح، لبسته في التمثيل مش الحقيقة، وكل واحد حر يعمل اللي هو عايزه، وهى أفكار شخصية، وبشوف إن الحفلة الكبيرة دي فلوسها كتير».

وتابعت شيرين رضا، حديثها وقالت: «ليه ميستمعتوش بالفلوس دي أكتر من فستان الفرح والقاعة اللي بالشيء الفولاني، هى مش عايزة تعمل فرح، لكن هيكون حاجة صغيرة أوي المهم هي وأهلها وأهل جوزها اللي يفرحوا وأصحابها المقربين يجوا يحتفلوا».

شيرين رضا عن زواج ابنتها: مش بنعمل حفل زفاف.. هتفرح مع صحابها

مسلسلات رمضان 2023.. شيرين رضا خارج السباق الدرامي لهذا السبب