شيرين عبد الوهاب: حاولت أموّت نفسي ووجدت أعمال سحر على باب المنزل

كشفت الفنانة شيرين عبد الوهاب أسرار من حياتها الشخصية، وأصعب الفترات التي مرت بها حيث تمنت الموت لها ولبناتها.

قالت شيرين عبد الوهاب في تصريحات تلفزيونية لها: «لما كانت الناس تشوفني في حفلة ويقولوا مش ده أداء شيرين اللي إحنا نعرفها، وفي الوقت ده إحساسهم كان حقيقي لأني مكنتش طبيعية، وفي أول حفلة ليا في مهرجان قرطاج لما وقعت فيها على المسرح، بعد أزمتي وقعت وقعة غريبة على ركبتي وقعدت فترة أتعالج ومحدش كان يعرف، وكان فيه حاجة غريبة بتحصلي».

تصريحات شيرين عبد الوهاب

وتابعت: «اللي بيأذيني مش حطاه في راسي نهائيًا، بس أنا بتأثر جدًا، والناس من حقها تعرف أنا كنت تعبانة والظروف كانت معايا صعبة فيه أوقات حاولت أموت وكنت بقول لربنا لو ما خدتنيش أنا هزعل منك أوي وخدني أنا وبناتي علشان أنا مش هعرف أسيبهم في الدنيا لوحدهم».

واستكملت شيرين عبد الوهاب حديثها وروت موقف لا تنساه لأحلام، قائلة: «كنت جاية من العمرة وتعبانة وبعيّط، مسكتني وعصرتني، وقلتلها أنا محتاجة لشيخ يقرأ لي قرآن عشان يحصّنني، هي أحلام طيبة وما شاء الله حافظة القرآن كويس.. ودائمًا أردد يا رب متخليش صفاتي الحلوة هي تبقى سبب تعرضي للأذى في الدنيا.. يا رب استخدمني وأكون سبب في الأرض لخدمة الناس وتقديم العمل الإنساني».

وقالت شيرين عبد الوهاب أيضًا: «الاختيار غلط لو في حياتك 40 شخص طلع منهم 25 وحشين، لكن كلهم أقرب وأبعد الناس طلعوا خونة، مفيش أصل ولا عشرة، وكل الناس لابسة أقنعة».

شيرين عبد الوهاب

أسرار شيرين عبد الوهاب

وقالت عن قرينها: «كل ما قريني بيتعبني بشغّلو صورة ق، وهو يأتيني لما ساعات بحس بالخوف والبكاء من غير سبب، وأما أحس الأوضة دي فيها ثعبان بتكون روح شريرة»، موضحة أنها عثرت على بعض أعمال السحر على باب منزلها في شكل حجاب بداخله بودرة بيضاء ومفتاح، معلقة: «بودرة شكلها جاية من المقابر ومفتاح بيقفل كل حاجة في حياتي، وطلع في الآخر مفتاح أوضة نومي وأنا لا روحت فكيته ولا روحت عند دجال ولا حد بيشوف المندل، عملت اللي اتقالي عيله حطيت العمل في طبق في مياه وملح، وشغلت سورة البقرة».

وأضافت شيرين عبد الوهاب: «بقى عندي أسلوب جديد في حياتي، كل حاجة اتغيرت وبلعب رياضة وابتعدت عن الأكل بشراهة، وبعد الساعة 2 بعد منتصف الليل مش بمسك التليفون.. والفلوس بالنسبة لي بقت مش أهم حاجة، بقيت محتاجة اللي أعيش بيه أنا وبناتي، واللي عندي بقول يا رب اعتبره مش ليا.. أنا عيشتي قبل الفن هي هي بعد الفن.. ما عنديش طباخين وسفرجية، عندي فدانين أرض زارعاهم كل الحاجات اللي بحبها، وبحب الفول الحراتي بالكمون والجبنة القريش كأني باكل كافيار».

شيرين عبد الوهاب

شيرين عبد الوهاب