شيرين عبد الوهاب عن زوجها حسام حبيب: «بيحبني أنا وبناتى أكتر من نفسه »

خرجت الفنانة شيرين عبد الوهاب عن صمتها، بعدما شن الجمهور حملة تعاطف على السوشيال ميديا، بعد انتشار تسجيل صوتي منسوب لحسين والد زوجها حسام حبيب يسئ إليها .

وقالت شيرين، «عاوز اطمن كل الناس اللي بتحبني وكل الناس الكويسين، أنا بخير، ومفيش أي نوع من أنوع الخطر على حياتي، بالنسبة للي حصل، محتاج إني أرد عليه، ومينفعش أرد عليه في كلمتين، حسام جوزي اللي انا معاشرها، إنسان من أنضف رجال الدنيا، وإنسان محترم، ومتربي، وبيحبني من أكتر من نفسه».

وعن زوجها حسام حبيب قالت، «ميستاهلش أبدًا كم القسوة منكم أبدًا، بس أنا مديكم العذر عشان أنتم متعرفوش، بس عاوزة أقول لكم الراجل اللي ربنا حطه في طريقي في الوقت ده، في الوقت كنت فيه متكسرة ومدمرة، هو بنى لي شخصيتي، وخلاني بقيت أعرف أتكلم، رجع لي لنفسي تاني الثقة».

وتابعت، «حسام ربنا هو اللي بعتهولي، فربنا مش بيعملي حاجة وحشة، حسام بيحبني أكتر من نفسه، أنا وبناتي، بدليل إنه من ساعة ما اتجوزني ما استفدش بأي حاجة ومعملش لنفسه أي حاجة.. هو عايش بس عشان يخاف عليا وعلى عيالي من كل شيء».

واستطردت حديثها، «بالنسبة لحاجات كتير مفروض إن ماردش عليها، بس الست حماتي اللي ربت راجل أخلاقه عاملة كده، لازم تكون ست عظيمة، فحسام إنسان عظيمة وأمه ست عظيمة.. وأتمنى منكم تدعوا لنا بالذرية الصالحة.. وبقول لكم مفيش أي حاجة من دي خالص.. إنسان نقي ونضيف وربنا بعتهولي».

نوال الزغبي تدعم شيرين عبد الوهاب: « الفن الأصيل والقلب الأبيض»

شيرين عبد الوهاب عن عودة شيريهان للفن بعد 19 عاماً : «حكاية بتحصل مرة في التاريخ»