شيماء سيف تتصدر التريند بعد الحديث عن المايوه

تصدرت الفنانة شيماء سيف التريند بموقع التواصل الاجتماعي x (تويتر سابقًا)، بسبب انتقاداها للعري.

وتفاعل مع شيماء سيف متابعيها وجمهورها، عبر خاصية التعليقات التابعة لحسابها الرسمي بموقع انستجرام، بين مؤيدين ومعارضين لرأيها.

تصريحات شيماء سيف

نشرت شيماء سيف صورة مكتوب بها: «خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات».

وتابعت: «لكن السنة دي العري فاق الوصف المايوه بقي يتلبس في كل مكان مش على البحر بس، توب المايوه بقي اللبس الرسمي للبنات وفوقه کاش مايوه بیبین أکثر ما بیستر».

شيماء سيف

انتقاد شيماء سيف للمايوهات

وقالت الفنانة شيماء سيف أيضًا: «هي البنات دي ما لهاش أب أو زوج أو أخ قلبهم يأكلهم عليهم والدم يجري في عروقهم، فين نخوة الرجالة، فين حياء البنات».

واستكملت: «والمصيبة أن كل الأعمار وكل الأحجام مش بتفرق، الموضوع زاد أوي تحت مظلة إنه بلاش خجل الجسم وكلام فاضي، فين الحياء.. الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه».

وجاء في منشور شيماء سيف أيضًا: «الغلط القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقي مباح كدة للناس كلها؟ ربنا يستر علينا جميعا ويهدي البنات والأولاد ويشوفوا الغلط غلط ولو أصبح عادة الكل.. هفضل أقول ده غلط حتى لوكنت لوحدي اللي بقوله».

واختتمت: «العري مظهر من مظاهر التخلف الفكري واللي فاكر أنه تحضر ماشي وراء.. مهما کتر ربنا أرنا الحق حقا وأرزقنا اتباعه وأرنا الباطل باطلا وجنبنا اتباعه».

شيماء سيف

آخر أعمال شيماء سيف

يشار إلى أن آخر أعمال شيماء سيف كان مشاركتها ضمن موسم دراما رمضان 2023، بمسلسل 1000 حمدلله ع السلامة، بالإضافة إلى فيلم مطرح مطروح الذي عُرض لها ضمن موسم أفلام عيد الأضحى 2023.

وشاركها في بطولة مسلسل 1000 حمدلله ع السلامة كلًا من محمد ثروت، يسرا، مايان السيد، وميمي جمال، وآدم الشرقاوي، وعنبة مطرب المهرجانات وبيومي فؤاد وآخرين.

شيماء سيف