صبا مبارك قبل عرض الحلقة الأخيرة من مسلسل بين السطور: متأثرة وحزينة

تنتظر الفنانة صبا مبارك عرض الحلقة الأخيرة من مسلسل بين السطور اليوم الخميس، الموافق له 7 مارس 2024.

ووجهت الفنانة صبا مبارك رسالة للجمهور قبل عرض مسلسل بين السطور الحلقة الأخيرة، عبر حسابها الرسمي بموقع انستجرام.

صبا مبارك مسلسل بين السطور

وكتبت في منشور لها: «اليوم عرض آخر حلقة الـ 30.. فرحانة ومتأثرة وحزينة ومشاعر كتير متلخبطة».

وتابعت صبا مبارك: «شكرًا للجمهور اللي شافنا ودعمنا ونجحنا، وحبنا وتفاعل معانا طول المسلسل، بنحبكو جدًا، واستنو بوست طويل بعد حلقة 30».

صبا مبارك

تصريحات صبا مبارك

قالت الفنانة صبا مبارك أن هناك أوجه تشابه أو نقاط تتلاقى فيها مع شخصية هند سالم في مسلسل بين السطور وذلك في النقاط الإيجابية التي تتسم بها شخصية هند مثل الإصرار على النجاح والنزاهة في العمل، مشددة: 'في الحاجات الحلوة اللي فيها بتلاقى معاها'.

وتابعت صبا مبارك في تصريحات تلفزيونية لها: أكيد بتشبهني في حاجات في حياتها في بعض النقاط (الباك جراوند) في بعض الحاجات بس مش بنفس القسوة.. إحنا كممثلين لازم تلاقي حتة نتواصل فيها مع الشخصية اللي هنأديها'.

واستكملت: 'كان لازم أحب هند وأبقى حيادية في الحاجات الوحشة اللي فيها علشان أجسدها وأخلي الناس تحس بيها لحم ودم'.

وفيما يخص صعوبة شخصية هند سالم، قالت صبا مبارك: 'مش سهل خالص وجابلي إحباط كان في أيام بروح زعلانة حاسة إن جسمي واجعني ورقبتي واجعاني وبجد عاوزة أعيط ومش عارفة وفضلت فترة بعدها مش عارفة أقول حاجة قعدت شهرين متنحة'.

وعلقت على إمكانية لجوئها لإجهاض طفل، كما فعلت هند سالم، قائلة : 'أعوذ بالله عمري ماعملها شيء صعب جدا اللي مش عاوز ينجب يعمل احتياطاته من الأول وهناك بعض الاستثناءات فيه ناس تانية ممكن تعمل كده علشان حالة الجنين الصحية أو صحة الأم: مضيفة: 'شيء قاس أن ياخذ الإنسان هذا القرار وأنا مش مع الناس تفضل تخلف والأمومة والأبوة شيء صعب وماينفعش في الزمن ده ومش أي حد قادر على إنشاء أسرة'.

صبا مبارك مسلسل بين السطور

صبا مبارك