صبري فواز عن أطفال 57357: «بيخوضوا معركة شرسة و هم مبتسمين»

حرص الفنان صبري فواز على زيارة أطفال مستشفى 57357، أمس الأحد، لكي يرسم البسمة على وجوه الأبطال الذين يخوضون معركة شرسة مع المرض اللعين.

ونشر صبري فواز مجموعة من الصور خلال زيارته لمستشفى 57357، عبر صفحته الشخصية على فيس بوك، مصحوبًا بتعليق: «امبارح .. عملت زيارة لمستشفى 57357، وشوفت الملايكة الصغيرين .. الأبطال اللي بيخوضوا معركة شرسة و هم مبتسمين».

أضاف صبري فواز قائلاً: «شوفت فريق العمل .. أطباء و ممرضين و إداريين بيشتغلوا بمهنية عالية و همة كبيرة.. وشوفت متطوعين حاطين وقتهم و جهدهم و أرواحهم العظيمة في خدمة الملايكة الصغيرين.. شكرًا .. واللي جي أحلى بفضل الله».

يذكر أن صبري فواز، أعرب عن استيائه من بعض المواقع الصحفية، التي تناولت تصريحاته خلال إحدى اللقاءات التليفزيونية التي عرضت له مؤخرًا، بعناوين: «صبري فواز يهاجم حسن يوسف، ومحمد صبحي، ويوسف الشريف».

وأشار صبري فواز من خلال مقطع فيديو، نشره عبر صفحته الرسمية على فيس بوك قائلاً: «الفيديو ده علشان في مواقع كتير بتعك في الكلام، وتبقى قايل كلام في البرنامج وكلام واضح ولكن هو ما ينفعش ياخد الكلام واضح.. عايز يحط فلفل وشطة عشان يلم اللي شبهه».

وأضاف صبري فواز، قائلاً: «عناوين من نوعية يُهاجم.. ده بخصوص الكلام اللي اتقال بدون سبب تجاه الأستاذ حسن يوسف والأستاذ محمد صبحي، والأستاذ يوسف الشريف».

ووجه صبري فواز التحية والاحترام للفنان القدير حسن يوسف، ومحمد صبحي، ويوسف الشريف، وأي أستاذ أو أبلة بيقولوا كلام مخالف لوجهة نظره، قائلاً: «لما يبقى س و ص ليهم رأي، ما بتقبلوش رأيّ أنا كمان ليه؟، وفي النهاية الناس دي كلها على راسي كلهم زملاء وفي منهم أساتذتي، وإن كنا نختلف دي حاجة حلوة مش وحشة».