صبري فواز: محمد سعد وقع في خطأ التكرار وويجز عنده سطوة زي عمرو دياب

أشاد الفنان صبري فواز بموهبة الفنان محمد سعد، مؤكدًا أنه من أهم مواهب جيله إن لم يكن أهمها.

وتابع صبري فواز في تصريحات إعلامية له: «محمد سعد وقع في خطأ التكرار واللعب في المناطق المطمئنة وأعتقد الفنان لازم كل يوم يفتح أفق كتير والجمهور لما بيشبع بيعرف».

صبري فواز ونجوم الفن

وقال أيضًا: «الفنان محمد رمضان زكي وبيلاعب الناس كويس وويجز عنده سطوة زي عمرو دياب».

وتابع الفنان صبري فواز حديثه: «مفيش حاجة اسمها سينما نظيفة ومعنديش مشاكل نفسية.. وأنا مبندمش عملت 3 أعمال علشان عاوز فلوسهم بس».

صبري فواز

تصريحات صبري فواز

وفي وقت سابق، أعرب الفنان صبري فواز، عن استيائه من بعض المواقع الصحفية، التي تناولت تصريحاته خلال إحدى اللقاءات التليفزيونية التي عرضت له مؤخرًا، بعناوين: «صبري فواز يهاجم حسن يوسف، ومحمد صبحي، ويوسف الشريف».

وأشار صبري فواز من خلال مقطع فيديو، نشره عبر صفحته الرسمية على فيس بوك قائلاً: «الفيديو ده علشان في مواقع كتير بتعك في الكلام، وتبقى قايل كلام في البرنامج وكلام واضح ولكن هو ما ينفعش ياخد الكلام واضح.. عايز يحط فلفل وشطة عشان يلم اللي شبهه».

وأضاف صبري فواز، قائلاً: «عناوين من نوعية يُهاجم.. ده بخصوص الكلام اللي اتقال بدون سبب تجاه الأستاذ حسن يوسف والأستاذ محمد صبحي، والأستاذ يوسف الشريف».

ووجه صبري فواز التحية والاحترام للفنان القدير حسن يوسف، ومحمد صبحي، ويوسف الشريف، وأي أستاذ أو أبلة بيقولوا كلام مخالف لوجهة نظره، قائلاً: «لما يبقى س و ص ليهم رأي، ما بتقبلوش رأيّ أنا كمان ليه؟، وفي النهاية الناس دي كلها على راسي كلهم زملاء وفي منهم أساتذتي، وإن كنا نختلف دي حاجة حلوة مش وحشة».

صبري فواز