صبري فواز: مفيش بيني وبين مصطفى كامل مشكلة.. واللي بيهاجم الفن عنده عدم معرفة

تحدث الفنان صبري فواز عن الأخبار المتداولة حول خلافه مع الفنان مصطفى كامل نقيب المهن الموسيقية كما حرص بالتعليق على من ينتقد التمثيل.

صبري فواز يكشف حقيقة خلافه مع مصطفى كامل

قال صبري فواز في تصريحات تلفزيونية: 'مفيش بيني وبين مصطفى كامل أي مشكلة ولكن المشكلة إننا محتاجين نستوعب أكتر إننا مختلفين واللي بيحبوا المهرجانات بني آدمين زينا زيهم وعايشين واللي بيحبوا الراب والكلاسيك ومي فاروق وبهاء سلطان موجودين'.

وتابع: 'احنا كتير وأذواقنا مختلفة ولو أنا بسمع أم كلثوم مش معناه إن اللي بيسمع عمرو دياب غلط وأنا صح، كل الناس حقها يكون لها مساحة ومفيش حاجة اسمها أمنع شخص لإنه مش عاجبني، سيب الناس تغني وهنشوف الحاجة دي هتفضل موجودة ولا لا وساعتها نحكم.

صبري فواز يرد على منتقدي الفن

وحرص صبري فواز بالرد على مهاجمي الفن، وقال: 'التمثيل مهنتي درستها وشقيت فيها ومسمحش حد يعتبرها تافهة والعمر راح واحنا بنشقى فيها، وعيب حد من الزملاء الفنانين يقلل من التمثيل واللي بيعمل كدا بقول له عيب تكون بتأكل عيالك وبتاكل من المهنة وتقلل منها، عيب احترم أكل عيشك'.

واختتم حديثه، وقال: 'اللي بيهاجم الفن عنده عدم معرفة، وأنا لما بختلف مع كلام شخص لا يعني إني مش بحترمه، وكل الناس على راسي وبقدرهم ولكن طبيعي اختلف مع وجهة نظرهم'.

صبري فواز

صبري فواز مسلسل وبينا ميعاد الحلقة الأخيرة