صبري فواز يكشف سبب دفاعه عن داليا شوقي: اللي حصل معاها كتير

حرص الفنان صبري فواز على توضيح سبب دفاعه عن الفنانة الشابة داليا شوقي عقب الانتقادات التي تعرضت لها، بسبب أحد مشاهدها في مسلسل سفاح الجيزة.

صبري فواز يكشف سبب دفاعه عن داليا شوقي

قال صبري فواز في تصريحات تلفزيونية: 'أنا بقول رأيي عادي وحريص جدًا إن ميبقاش في تجاوز لا قانوني ولا تجاه أي شخص واني اكون عارف تفاصيل الموضوع اللي بتكلم فيه غير كدة مش بتكلم'.

واستكمل الفنان صبري فواز حديثه، وقال: 'وأنا معنديش عداوات لا مهنية ولا شخصية ومفيش مشكلة اقول رأيي، واه دافعت عن داليا شوقي لأن اللي حصل معاها كان اوفر شوية'.

وأضاف: 'ممكن نتعامل معاها زي لعيب ضيع انفراد ودة وارد وحتى لو المشهد مش عجبك مش بننفي اللعيب من الفرقة علشان ضيع انفراد خصوصا أنها جابت اجوان قبل كدة وهي عملت شغل حلو اخرهم في مسلسل 'وبينا معاد' فإذا هي ممثلة كويسة فحتى لو المشهد وحش متبقاش قاسي عليها'.

صبري فواز يرد على الناقد طارق الشناوي

وعلى جانب أخر حرص الفنان صبري فواز بالرد على اشادة الناقد الفني طارق الشناوي عنه وعن وصفه أنه لا تصنيف له، كما تطرق الحديث عن مشواره الفني.

قال صبري فواز في تصريحات تلفزيونية: 'أشكره على جملته، جملة حلوة أوي، لأني عملت كتير علشانها وعلشان ما أتصانفش في حتة واستغنيت عن أدوار كتير علشان كده فلما الناس تشوف ده والنقاد كمان دي شيء يفرحني جدًا'.

صبري فواز يتحدث عن مشواره الفني

وتحدث صبري فواز عن مشوراه الفني: 'رحلتي طويلة ومرهقة وممتعة ومفيدة، ولو هيكون لها موسيقى تصويرية هيكون فيلم حياتي لا هسلم بالمكتوب ولا هرضى أبان مغلوب، لأن كان عندي إحساس أن فيه حاجة حلوة جاية وجوايا يقين أن هيحصل حاجة طالما الواحد بيعمل كل اللي عليه حتى لو اتأخرت'.