صديق أحمد البدري يعاتب أصدقاء المخرج بعد بتر قدمه: محدش من زمايله زاره

عاتب هاني الشيخ صديق المخرج أحمد البدري، أصدقاءه والفنانين بعد بتر قدمه، حيث لم يزوره زملائه في معهد ناصر، وطالبهم بزيارته.

صديق أحمد البدري يعاتب أصدقاء المخرج

كتب هاني الشيخ عبر حسابه بموقع التواصل الاجتماعي فيسبوك: 'اخص بجد كما تدين تدان، ليه الناس بقت قاسية كده ووحشة مع بعضها، صديقي الغالي المخرج احمد البدري كان كويس مع كل الناس وياما خرج نجوم وطول عمره صاحب واجب مع الكل ليه لما يبقي في أصعب أيام حياته ومحتاج الدعم حتي لو بكلمه مايلاقيش ده زياره المريض صدقه'.

وتابع: 'احنا بنتصل بالناس عشان يجوا يزوروه بس ويعملولو دعم نفسي بعد بتر رجله وان الحاله عماله تتدهور وكله قال مش فاضي ولا واحد من زمايله واصدقاءه زاره، معقوله يا ناس، لكن طبعا لو توفاه الله كله هايروح عامل بوست متشحتف فيه عالفيسبوك ويقول صاحبي وحبيبي مش كده'.

واستكمل حديثه، قائلًا: 'الراجل رجله اتشالت.. وفيروس في الدم ومشكله في الرئه وسكر مرتفع وتنفس صناعي.. ومحدش من زمايله زاره.. زورو المرضي عشان لما تمرضو تلاقو اللي يسأل عليكم، ادعو لبعض بالشفاء عشان لما تتعبو تلاقو اللي يدعلكم، والناس اللي بتقعد تسأل عن العنوان هو في معهد ناصر اللي على الكورنيش الرعاية المركزة من ٤ الي ٥

روحو زوره واخلصو النيه لله، ربنا يشفيك ويعافيك يابدري ويشفي ويعافي كل مريض'.

شريف إدريس يكشف حالة أحمد البدري

وعلى جانب أخر كشف الفنان شريف إدريس تطورات جديدة في حالة المخرج أحمد البدري، بعد أن تدهورت صحته، وكتب شريف إدريس في منشور عن حالة أحمد البدري، عبر حسابه الرسمي بموقع فيس بوك: «الحمد لله أحمد أخويا بيتحسن والسكر بينزل».

وأضاف: «هو لسه محجوز في المستشفي لحد ما الأمور كلها تتظبط.. شكرًا لكل الأصدقاء اللي بيتطمنو على أحمد».

وكان قد كشف صديق المخرج أحمد البدري تطورات صادمة في حالته الصحية بعد بتر قدمه، موضحًا أن حالته في تدهور بعد إصابته بغرغرينة.

شريف إدريس يكشف حالة أحمد البدري

تطورات حالة المخرج أحمد البدري

كتب هاني الشيخ صديق المخرج أحمد البدري في منشور عبر حسابه الشخصي بموقع فيس بوك: «أحمد البدري حالته بتتدهور، أرجوكم الدعاء له بالشفاء العاجل يا رب تقوم بالسلامة يا بدري، ويشفيك ويعافيك».

وأشار هاني الشيخ إلى أن المخرج في حالة صعبة وغير مستقرة، مطالبًا الجميع بزيارته في المستشفى بسبب ما يمر به.

واستكمل صديق المخرج أحمد البدري في منشور آخر: «بتر القدم بالكامل رجله الشمال كلها اتشالت، وسكر غير مستقر، والتنفس صعب جدًا وتسمم في الدم، هو في معهد ناصر اللي علي الكورنيش في الرعايه المركزة، الزيارة من الساعه 4 إلى 5 فقط».

أحمد البدري