صديق أحمد ثروت يكشف تطورات حالته الصحية بعد سفره لألمانيا

إسماعيل هاني 09 مارس 2023 | 06:17 مساءً

سافر المخرج أحمد ثروت نجل الفنان الكبير محمد ثروت، اليوم الخميس إلى ألمانيا لاستكمال رحلة علاجه، بحسب ما كشف عنه عثمان بدران صديق أحمد ثروت.

ونشر عثمان بدران، صورة له مع أحمد ثروت بالمستشفى، عبر حسابه على 'فيسبوك'، وعلق قائلا: 'من فترة كنت كتبت على قصة الضغط العصبي وإن مفيش حاجة مستاهلة وده كان بسبب حبيبي وصديقي أحمد ثروت اللي عنده ٣١ ولا ٣٢ سنة وهو عنده شركة في مجال الدعاية والإعلان.. زميل صنعة زي ما بيقولوا ومن شوية ضغط في الشغل في خلال السنوات اللي فاتت جات له جلطة في عينه الشمال والحمد لله بتتحسن ولكن تطور الموضوع أكتر وجه له مرض في الأعصاب نادر أوي أوي اسمه 'متلازمة الميلر فيشر' و ده مرض بيجي ١٪ في المليون بيخلي الجهاز المناعي يهاجم الجهاز العصبي وحاليا مأثر على رجله الشمال تماما واليمين بنسبة ٥٠٪ زي ما أحمد قال لي'.

صديق أحمد ثروت: عزيمة أحمد في حتة تانية خالص

وتابع صديق أحمد ثروت: 'الحمد الله عزيمة أحمد في حتة تانية خالص وبيهزر وبيضحك ومؤمن ومبسوط إن ربنا اختصه.. بس النهاردة يوم مهم جدا.. أحمد سافر لألمانيا علشان المرض ده محتاج مركز متخصص لعلاجه والنهاردة هيسحبوا عينه مياه من المخ علشان يحددوا الموضوع أكتر ويحطوا بروتوكول للعلاج بإذن الله'.

صديق أحمد ثروت: ربنا يشفيه ويربط على أبوه الخلوق

وأضاف صديق أحمد ثروت: 'بناء علي نتيجة النهاردة هيتحدد حاجات كتير أوي.. فضلا وليس امرا ندعي لأحمد لعلكم أقرب الى الله إنه يشفيه ويهون عليه ويربط على أبوه الخلوق الجميل محمد ثروت وأمه وأخته وخطيبته'.