صديق زيزو المقرب يثير الجدل بشأن علاقته مع الزمالك.. مش حابب يروح التمرين

أثار معتز نجيب الشهير بمعتز الإفريقي، حالة من الجدل بشأن مصير أحمد سيد زيزو لاعب الزمالك، مع القلعة البيضاء، بالتزامن مع انتهاء عقده الذي ينتهي بنهاية الموسم الجاري.

كتب معتز نجيب، عبر حسابه الشخصي على موقع التواصل الاجتماعي «فيسبوك»: «لكل الناس اللي طالبة مني أرد، أرد أقول إيه ؟؟ أقول إن راجل بقاله 8 شهور بيتسربله كل حاجة ليها علاقة بعقده وكمان بالكذب والناس مصدقة؟».

أضاف «أرد أقول إن الراجل دا من اللي شافه من المجلس خلى زيزو بعد كل اللي عمله فالنادي يبقي مش حابب يروح التمرين حتي! أرد أقول إن الراجل دا الجمهور بيشتمه فالمدرجات هو وأبوه كل ماتش وأنا سامع وهو فالملعب سامع!».

اختتم «أرد أقول إن الراجل دا اتغنى له روح يا زيزو من جمهور نادي الزمالك بعد كل اللي عمله! خلوني ساكت أحسن ومحدش يقول هنبقى في ضهره عشان محدش كان في ضهره في الـ8 شهور اللي فاتوا وبردو بعد كل دا أتمنى أن يحدث في الأمور أمور».