صفية العمري عن فيلم أنا اللي قتلت الحنش: أكلت علقة من معالي زايد

كشفت الفنانة القديرة صفية العمري كواليس تعاونها مع الفنانة الراحلة معالي زايد في فيلم أنا اللي قتلت الحنش، مشيرة إلى أنها تلقت «علقة كبيرة» من معالي خلال أحد المشاهد.

صفية العمري تتحدث عن معالي زايد

قالت الفنانة صفية العمري عن تعاونها مع معالي زايد في تصريحات تلفزيونية: «في فيلم أنا اللي قتلت الحنش كان في مدير إنتاج الله يرحمه، كان يروح يقول لمعالي زايد اضربيها جامد علشان هي هتضربك جامد، ويرجع يقوللي دي هتضربك جامد أوي خدي بالك».

صفية العمري

واستكملت صفية العمري حديثها، وقالت: «معالي زايد ما شاء الله كانت قوية جدا جسمانيا، وأنا خايبة وضعيفة، وأكلت منها علقة كويسة».

وواصلت صفية العمري حديثها، وقالت: «ده كان علشان الشخصية في الفيلم مش علشان حد فينا، ولا أستاذ عادل إمام ربنا يديله الصحة والعافية».

صفية العمري والشائعات

تحدثت الفنانة القديرة صفية العمري عن تأثير السوشيال ميديا على الشباب، والسلبيات التي تخرج منه مثل الشائعات.

كشفت الفنانة صفية العمري في تصريحات تلفزيونية، بعض الشائعات التي تخرج عليها عبر السوشيال ميديا، وقالت: «لسه الشهر اللي فات لقيت صورتي نازلة ومكتوب صفية العمري اتعمت ودخلت مصحة نفسية لأنها أصيبت بالعمى، وقبل كده موتوني وموتوا الفنانين».

صفية العمري

وتابعت: «حرام عليكم الفنانين وأهاليهم، الفنان أعطى من جهده ووقته وحياته علشان يسعد الناس، ليه مش عايزين الفنان يعيش باقي حياته بهدوء».

صفية العمري والسوشيال ميديا

وعن السوشيال ميديا وتأثيرها على الشباب، قالت صفية العمري: «فين أيام لما كان الشباب يروحوا المراكز الثقافية ويتعلموا ويروحوا مراكز الشباب، للأسف السوشيال ميديا أكبر مصيبة حصلت في الكون».