صلاح عبد الله يطالب بتدريس مشوار محمد صلاح في المدارس.. فيديو

هنأ الفنان صلاح عبد الله، الرئيس السيسي، والشعب المصري، بانتصار 6 أكتوبر المجيد، معبرًا عن فرحته باحتفال الجميع على مواقع التواصل الاجتماعي بهذا الانتصار.

وقال خلال مداخلة هاتفية مع الإعلامي أحمد موسى في برنامج "على مسئوليتي" المذاع على قناة "صدى البلد": "إحنا بنعيش روائح العبور، وده عيشناه كأنه حصل من يومين، وأنا كنت فرحان جدًا أن السوشيال ميديا احتفلت بنصر أكتوبر، والنهارده بنعبر لكأس العالم وعايشين يومين حلوين أوي، وأنا أول الناس اللي كتبت وباركت للدكتور خالد العناني كمان، لحصوله على رئاسة اليونسكو".

وأضاف: "إحنا اتأهلنا والبهجة حضنت منازلنا، ده إحنا كنا ومازلنا، مبروك للرئيس عبدالفتاح السيسي ولكل اللاعبين وحسام وإبراهيم، وإن شاء الله كأس إفريقيا عندي إحساس أننا هنفوز بيه، ولا بد أن إحنا نتفاءل، وتحية خاصة لمحمد صلاح، وكل العرب فخورين بيك".

وتابع: "واللي بيهاجموا صلاح عارفينهم ودارسينهم، وبقينا عارفين توجيهاتهم ومصادر دخلهم، ومحمد صلاح إحنا فخورين بيه، وعودة صلاح النهارده لقيادة منتخب بلده لكأس العالم فخر لينا، ومشوار صلاح لازم يُدرس في المدارس الابتدائية والإعدادية، ولازم يكون رمزًا للإصرار والهدف اللي مشي وراه عشان يحققه".