ضحى طليقة مطرب مهرجانات شهير: «اتجوزني وهو فقير وسابني وأنا حامل»

أكدت ضحى طليقة مطرب مهرجانات شهير، على أنها تزوجته عندما كان فقيرًا، وتركها وهي حامل وأراد منها ان تجهض الجنين ولكنها رفضت ذلك.

وأضافت ضحى طليقة مطرب مهرجانات شهير، في لقاء خاص مع الإعلامية نهال طايل، في برنامج تفاصيل المذاع على قناة صدى البلد 2، قائلة: «غاوي جواز وحياته كلها ستات، واتجوزني وهو فقير، وسابني وأنا حامل، وقالي مش عايز عيال، ورافض يصرف على ابنه أو حتى يشوفه».

وأشارت ضحى، إلى أن ابنها مالك في شهر أكتوبر القادم يتم عمره 3 سنوات، قائلة: «مش بيشوف ابني، لكن بيشوف ابنه من زوجته التانية اللي طلقها برضه، كان متصور مع ابنه التاني في صلاة العيد اللي فات، كان منزل صورة على استوري انستجرام، أنا مش متابعاه لكن الناس بتبعتلي، أنا عايزاه يبقى كويس مع ابني».

وأوضحت ضحى طليقة مطرب مهرجانات شهير، قائلة: «أنا بسكت مش بتكلم وغلبانة، وهو عارف إني ماليش ضهر، وأنا مش بتكلم عشان كنت بحبه، وأنا ساكتة عشان بقول يمكن يرجع، لما كنت حامل جالي مرتين، وأنا كنت مراته شرعًا ولكن طلقني وأنا حامل، ومجاش وقف جانبي في الولاده، وأخته كلمتني وقالتلي مش هندفع ولا مليم».

وأكدت ضحى، أن حياتها تعرضت للخطر، وظلت تتردد على المستشفيات لكي تضع مولودها، ولكن المستشفيات كانت ترفض دخولها؛ نظرًا لضرورة وجود الأب لكي يوقع على الإقرار، قائلة: «حالتي كانت خطر كنت بموت حرفيًا، جالي اكتئاب وسكر في فترة الحمل وولدت قبل معاد ولادتي الطبيعية، بـ 15 يومًا، وكان سايبني لوحدي في الولادة».