طارق الدسوقي يطلب يد ياسمين عز على الهواء والأخيرة ترد : «أنت أخويا»

ياسمين حمادة 28 يناير 2023 | 10:02 مساءً

فاجأ الفنان طارق الدسوقي، الإعلامية ياسمين عز بطلب يدها على الهواء، لترد عليه قائلة: «لا إحنا إخوات.. كل ضيوفي إخواتي».

تصريحات طارق الدسوقي

وقال طارق الدسوقي في تصريحات تلفزيونية للإعلامية ياسمين عز: «ولادي لما عرفوا إني طالع معاكي قالولي مع السلامة يا أبي الفرعون».

وأضاف الفنان طارق الدسوقي في تصريحاته التلفزيونية: «أي خطبة يقولها الشيخ في الجامع أو القس في الكنيسة ليست مؤثرة مثل الدراما.. معنديش وسيلة لإعادة عقليات الناس ومنظومة القيم والأخلاق غير الدراما».

طارق الدسوقي

واستكمل: «الصورة والحدوتة لإن إحنا كشعب مصري وعربي بنميل لـ ده وبتأثر على ملايين الناس وبنتأثر أكتر من أي حاجة تانية مباشرة».

وكشف طارق الدسوقي لأول مرة أيضًا سر اعتذاره عن مسلسل العمدة الذي ينافس به محمد رمضان ضمن موسم مسلسلات رمضان 2023.

طارق الدسوقي مسلسل العمدة

أكد طارق الدسوقي أنه يريد أن يشارك في عمل يؤثر على عقليات الناس، مضيفًا: «اتعرض عليا عملين السنة اللي فاتت واعتذرت، ومسلسل محمد رمضان ممثل جيد شاطر، محمد سامي شاطر جيد، الكاست كويس جدًا».

وتابع: «لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره، وببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما علشان نسلي الناس مرة نضحكهم نبكيهم».

واختتم كلامه: «المهم إزاي نسمرهم قدام الشاشة»، متابعًا كلامه للإعلامية ياسمين عز: «بحب الست اللي اتجوزها تجيب لي صينية الأكل في السرير كنوع من الدلع».

ياسمين عز