طارق الشناوي: أحمد خالد صالح ماشي كويس بس مش هيبقى زي والده.. فيديو

أشاد الناقد الفني طارق الشناوي بموهبة الفنان الشاب أحمد خالد صالح خلال السنوات الأخيرة، في الأعمال التي قدمها، مشيرًا إلى أنه لا يُشبه والده الفنان الراحل خالد صالح.

الناقد الفني طارق الشناوي يتحدث عن أحمد خالد صالح

وقال الناقد الفني طارق الشناوي في مداخلة هاتفية مع الإعلامية نهاد سمير في برنامج صباح البلد، المذاع على قناة صدى البلد: 'أحمد خالد صالح ابن الراحل موهوب، كنت خايف بس في الأول لأن خالد صالح موهبة استثنائية وخاصة جدًا، ولها كل التفاصيل الإبداعية، لكن ده لا يورث'.

وتابع: 'أحمد تقدم جدًا خاصًة في فيلم اسمه 19 ب فهو عامل دور جميل هو دور سايس سيارات وبلطجي، لأن أوقات لما الشخصية بتكون مباشرة أوي ممكن الممثل ميعرفش يهذب من الاحساس لكن احساسه كان حلو اوي في الفيلم ده'.

طارق الشناوي يتحدث عن خالد صالح وابنه

واختتم الشناوي حديثه، عن أحمد خالد صالح، وقال: 'هو ماشي كويس لكن هو ليس خالد صالح، ومش هيكون خالد صالح وهو مدرك ده وممكن يبقى حاجة تانية مهمة لأننا مش هنقدر نصادر على المستقبل، وأحمد ماشي كويس وأنا مبسوط باللي بيقدمه في السنوات الأخيرة'.