طارق العريان يكشف مفاجأة عن فيلم ولاد رزق 3

ياسمين حمادة 22 مارس 2023 | 07:14 مساءً

كشف المخرج طارق العريان بدء التحضير لفيلم ولاد رزق الجزء الثالث، من خلال صورة تجمعه بالمؤلف صلاح الجاهيني والمنتج موسى عيسى.

طارق العريان فيلم ولاد رزق الجزء الثالث

علق المخرج طارق العريان على صورته الأخيرة عبر موقع التواصل الاجتماعي لتبادل الصور والفيديوهات انستجرام: «ولاد رزق 3 يأتي قريبًا.. القاضية».

وفي سياق آخر، تحدث الفنان أحمد داود عن الكينج محمد منير ومدى عشقه له منذ أن كان طالبًا، كما تحدث عن تعلقه بالسينما وموقفه من أعمال البطولة المجمعة.

فيلم ولاد رزق 3

قال الفنان أحمد داود في برنامج ست الستات مع الإعلامية دينا رامز، المعروض على قناة صدى البلد: «دلوقتي بقى في أعمال خارج موسم مسلسلات رمضان، وبكده أصبح العمل الجيد بيفرض نفسه في أي وقت، والجمهور بقى عايز كل شوية يتعرضله عمل فني جديد وده بيحصل على المنصات الجديدة ومبقتش كل المسلسل في شهر رمضان بس».

وعن السينما، قال الفنان أحمد داود: «السينما بدأت ترجع تاني بعد سنتين كانوا رخمين جدًا مروا عليها وقت كورونا، وبدأنا نسمع إن السينما راحت عليها، وأنا بحب السينما جدًا وبحس إني عايز اتواجد فيها كتير، ولازم اقعد في البيت اتفرج على فيلم».

طارق العريان فيلم ولاد رزق الجزء الثالث

وتابع: «فيلم 122 كان أول بطولة ليا، وبالنسبالي البطل هو المشروع، واتمنى فيلم ولاد رزق 3 يتقدم وهعمله طبعًا وأغلب أعمالي كانت بطولتها مجمعة، ودي دايمًا اختياراتي في المسلسلات البطولة المجمعة».

مصير فيلم ولاد رزق 3

كشف أبطال فيلم ولاد رزق، مصير الجزء الثالث بعدما روج الفنان أحمد الفيشاوي وأعلن بدء التحضير له، رغم تكتم باقي صناع وأبطال العمل.

قال الفنان أحمد داود في تصريحات تلفزيونية: «أنا مشفتش الفيديو، ومش عارف الفيشاوي كان بيعمل إيه وقت الفيديو ده، لكن مفيش أي أخبار عن الجزء الثالث».

وتابع: «ولو فيه مش هيكون قبل 2024»، ومن جانبه قال الفنان عمرو يوسف: «الفيشاوي بيحب يهزر دايمًا ونزل الفيديو والناس صدقت».

واستكمل: «لكن مفيش أي أخبار عن الجزء الثالث من ولاد رزق، ولو فيه أنا طبعًا جاهز، لأنه سلسلة أفلام من أنجح الحاجات اللي حصلت، ودايمًا بكون حابب اشتغل مع فريق العمل ده كله، وطبعًا المخرج الكبير طارق العريان».

يضم فيلم ولاد رزق، في بطولته كلًا من أحمد عز وأحمد الفيشاوي وعمرو يوسف وأحمد داود وخالد الصاوي، وكريم قاسم ونسرين أمين، والعمل من تأليف صلاح الجهيني، والإخراج لـ طارق العريان.

ولاد رزق 3