طالب يتخلص من حياته بأسيوط.. ويوجه رسالة مؤثرة لأهله

تخلص طالب بكلية الحقوق، من حياته بتناول حبة حفظ الغلال 'أقراص السوس ' إثر معاناته حالة نفسية سيئة، وتم نقل جثمانه إلى مستشفى الإيمان العام تحت تصرف النيابة.

تلقى اللواء أحمد جمال، مدير أمن أسيوط، إخطارا من مأمور مركز شرطة أسيوط، يفيد ورود بلاغ من أهالي قرية المطيعة بقيام 'محمد.ع' طالب بكلية الحقوق جامعة أسيوط بإنهاء حياته بتناول حبة حفظ الغلال ' أقراص السوس ' بسبب مروره بحالة نفسية سيئة وتم نقل الجثة إلى مشرحة مستشفى الإيمان العام، تحت تصرف النيابة.

تحرر محضر بالواقعة، وتولت النيابة التحقيقات.

وفي سياق متصل كتب قبل التخلص من حياته رسالة مؤثرة على صفحته الشخصية فيس بوك «حابب أقولكم حاجة قبل ما أمشي.. عايزكم تقولوا لأمي إني كنت بحبها وكان نفسي أحضنها قبل ما أمشي وقولها محمد بيقولك بحبك يا ماما ومتزعليش مني إني سيبتكم ومشيت».

وتابع «أنا رايح عند أخويا أحمد يا ماما علشان واحشني قوي وكان نفسي اشوفه من زمان، وقولوا لأمي محمد بيقولك متزعليش مني لما كنت بدلعك باسمك وأنا عارف إنك كنت بتزعلي مني بس كنت بصلحك على طول، وقولها كمان إني لما كنت بزعل أخواتي البنات مكنتش بضربهم علشان بكرهم، أنا كنت بضربهم علشان يتعلموا الأخلاق الكويسة ويبقوا مثل مشرف».

وأكمل «قولوا لأبويا محمد ابنك كان بيحبك وعمره ما قدر يرفع عينه فيك وأنا لما غلطت فيه كان غصب عني علشان هوا زعلني قوي علشان كنت بربي أخواتي وعايز أعلمهم الصح من الغلط».

وتقولي لأبويا أنو ميزعلش أني سيبته ومشيت، وقولوا يدعيلي بالرحمة، وقولوا لعمتي إني بحبها، وعمي جابر أنا عمري ما اعتبرته عمي أنا كنت بتعامل معاه على أنو أبويا اللي رباني، وعمي يماني قولوا انو كان نفسي أشوفه قبل ما أمشي، وأولاد عمي وبنات عمي وكلهم بحبهم والله وعمري ما كرهت حد فيهم، واخولالي خالي صلاح وخالي محمد كنت نعم الخال ونعم الأب، وخالاتي ربنا يخليهم بحبهم وأنا عارف إني مقصر معاهم بس غصب عني.

واختتم رسالته: 'أي حد أنا زعلته يسامحني حتى لو مكنتش اقصد.. وادعولي بالرحمة.. مع السلامة.. هتوحشوني.. ادعولي بالرحمة ومتزعلوش إني سيبتكم ومشيت.. مع السلامة'.

جمارك مطار برج العرب تضبط محاولة تهريب عدد من الهواتف المحمولة

ضبط شخصين لقيامهما بالحفر والتنقيب عن الآثار داخل عقار بالبساتين

بالدجل والشعوذة.. سقوط شخص لقيامه بالنصب والاحتيال على المواطنين بسوهاج

ضبط شخصين لقيامهما بإنشاء صفحة على «فيس بوك» لترويج وبيع المنشطات