طبيب شيرين عبدالوهاب يكشف سر خسارة وزنها في 100 يوم: أحمد سعد اللي رشحني

كشف الدكتور محمود العفيفي الطبيب المعالج لنظام الفنانة شيرين عبدالوهاب الغذائي، كيف خسرت وزنها؟

قال د. محمود العفيفي عبر تصريحات تلفزيونية: «أحمد سعد المطرب الكبير هو اللي رشحني ليها، كان مديها feedback حلو، لأنه كان صحاب أحمد أصلاً خَسّوا معايا».

وتابع: «فيه اللي خَسّ 20 و50 كيلو، فكان مديها ثقة كبيرة فيا وقال لها: خلي بالك ده شاطر»، لافتًا إلى أن شيرين عبدالوهاب كانت لديها رغبة واضحة في خسارة الوزن بطريقة طبيعية، بعيدًا عن فكرة الجراحة.

واستكمل طبيب شيرين عبدالوهاب: «كانت عايزة تعمل دايت وتخس وحابة إنها تعمل حاجة طبيعية، مش حابة خالص قصة الجراحة».

وأضاف: «رُحت قابلتها وكان عندها إصرار قوي إنها تخس وبدأنا مع بعض، والحمدلله كان فيه feedback قوي بجد.. فاكر أول مقابلة قابلتها غير المقابلة رقم 4، قابلتها 4 مرات مع بعض كل شهر أو 3 أسابيع، لقيت فرق كبير جدًا ومن أول أسبوع كان فيه نتيجة، وطبعًا ده اللي خلاها تشجعت وكملت معايا بفضل ربنا».

وفيما يخص النظام الغذائي الذي اتبعته شيرين، كشف أن الرحلة اعتمدت على هدف محدد يمتد لـ100 يوم، مع التركيز على الأطعمة الخفيفة والطبيعية التي تفضلها، مضيفًا: «إحنا بنحدد target الـ100 يوم، وده اللي دخلنا فيه شيرين.. إحنا مركزين قوي على الحاجات اللي هي الخفيفة اللي تحبها، تحب تاكل زبادي، تحب تاكل بروتين، حاجات خضار خفيف، كلها حاجات طبيعية خالص».

ولم تقتصر رحلة شيرين عبدالوهاب على النظام الغذائي فقط، حيث أشار د. محمود إلى أن المشي كان جزء أساسي من الخطة، قائلاً: «المشي بس، أنا دايمًا مع أي حد بنصحه برياضة المشي مع النظام الغذائي».

وتحدث د. محمود عن رسالة صوتية أرسلتها له شيرين خلال الرحلة، قائلة: «الحقني مش قادرة خالص، أنا دايخة وهبطانة، إديني أي vitamins مش قادرة».

واختتم: «إحنا عملنا جزء من المشوار ولسه هنكمل فيه، بس الحمدلله الجزء اللي أنا شفته والنتيجة اللي إحنا وصلنالها، أنا بالنسبة لي نتيجة مرضية بشكل كبير جدًا جدًا».