علق الإعلامي أحمد موسى، على انتقال محمد صلاح لنادي طرابزون سبور التركي، مردفًا: «محدش كان يعرف نادي طرابزون التركي قبل يوم الأربعاء، ومنذ هذا اليوم مدينة ونادي طرابزون التركي تريند على محركات البحث».
وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن محمد صلاح سلطان زمانه الآن، في تقديمة عالمية حصلت لمحمد صلاح يوم الخميس، 40 ألف في استقبال صلاح في الملعب، وكمان عملوا له أغنية لوحده وخاصة، صلاح سعيد جدًا ودخل في الأجواء بسرعة ونزل التمرين على طول.
وتابع: «طرابزون أدى صلاح اللي هو عاوزه، بالمناسبة طرابزون التركي رجع ما صرفه على صلاح خلال يومين، رئيس طرابزون التركي راهن على صلاح وكسب الرهان، 12 مليون يورو، وحصيلة بيع 15 ألف تيشيرت لمحمد صلاح خلال أول يومين».
وأكمل: «محمد صلاح ملك ومتوج في تركيا، ربنا يحميك ويحفظك، أنا وأولادي وحفيدي كنا بنتفرج على حفلة صلاح، ياسين بيقولي عاوز أحضر ماتش صلاح في الدوري التركي، هو حد كان يعرف الدوري التركي والماتشات بتاعت الدوري، أتمنى من الشركة المتحدة تنقل الدوري التركي، لو مفيش قنوات واخدة حصري الدوري على الأقل يكون ماتشات طرابزون التركي تكون على قنوات المتحدة، أنتوا جبتوا الحفلة بتاعت تقديم اللاعب، شوفوا مباريات طرابزون التركي، خلاص قفلنا صفحة ليفربول وحاليًا كلنا بنشجع طرابزون التركي ونجمنا صلاح».
