طفلة تسأل: ليه ربنا خلق العرش؟.. والدكتور علي جمعة يرد

قال الدكتور علي جمعة، مفتي الديار المصرية السابق، إن الشريعة لم توضح المادة التى خلق الله منها العرش، لافتا إلى أن عرش الرحمن، يمكن أن يكون خلق من اللولوء أو الذهب أو الجواهر أو الزمرد.

وتابع الدكتور علي جمعة، مفتي الديار المصرية السابق، خلال برنامج تلفزيوني، اليوم الخميس: "العرش حاجة عظيمة فخمة وكبيرة أوى، وتشعر بنوع من الأمن والخشوع جواك".

ورد الدكتور على جمعة، على سؤال طفلة أخرى، حول لماذا خلق الله العرش، قائلا: "اتعمل لأن ربنا سبحانه وتعالى رسم الدنيا على وضع معين، وفى عوالم عالم الأرض وحواليه مجرة ومجموعة ضخمة من الكواكب، والشمس بتلف والأرض بتلف، وكل ده منطلق فى الفضاء حوالين نجم اسمه فيجا، وكل دول بيلفوا حوالين العرش، والكون فيها حاجات بنشوفها بالعين، وفى حاجات لا نستطيع رؤيتها، ومنها الكون المرصود وده بنقدر نشوفه، والضوء فيه بيجرى فيه 300 ألف كيلو فى الثانية، ويعنى فى انية تروح مرسي مطروح، شوف الكون المرصود ده كله 93 مليار سنة، والكون كله 575 مليار سنة، يعنى لو قسمناهم يبقى شايفين سدس الكون، والباقى لم نراه".

وأوضح: "لما ربنا خلى الكون يلف خلاه يلف حول العرش، والعرش ربنا عمله مخلوق عظيم مبهر، وربنا قهره واستولى عليه يبقى نعرف إن الله القاهر فوق عباده ونقوم ساجدين لله".