طفل يسأل: ليه الستات ناقصات عقل ودين؟.. وعلي جمعة يجيب

أجاب الدكتور علي جمعة، مفتى الديار المصرية السابق، على سؤال طالب ليه الستات ناقصات عقل ودين كما جاء فى حديث سيدنا النبي محمد صلى الله عليه وسلم؟.

وقال الدكتور على جمعة، مفتى الديار المصرية السابق، خلال تصريحات إعلامية، اليوم الثلاثاء: "سبب الحديث ده، إن ربنا خفف عن المرأة وواقف معاها، وهذا فى قضيتين وهما الصلاة والصيام، وربنا سبحانه وتعالى اشترط فيهما الطهارة، والبنت بتحصل عندها بعد البلوغ الحيض وده بيقعد عندها ممكن يوم وممكن 15 يوم، فلا تجي تصلى فنقول لها سيبى الصلاة والصوم فى الأيام دى طاعة وعبادة لله، والصوم تقضيه بعد كده ولو صامت لا يقبل لها صيام وارتكبت حراما".

وتابع: "فى جزء من حياة المرأة اتخفف عنها التكليف فى عدد الصلوات فآدى النقصان بتاع الدين، وكمان فى الإشهاد بنجيب 2 رجالة و2 ستات، وسيدنا النبي بيقول فى مزاح مع السيدات عندكم حتة ناقصة فى الدين والشهادة، نقص عقلها فى الشهادة ونقص دينها فى ترك الصلاة والصيام".