طليقة أمير طعيمة تكشف مفاجأة عن شيرين عبد الوهاب: أنا الوحيدة اللي هاجمت حسام حبيب في أزمتها قدام كل الناس

فجرت جيني كامل طليقة الشاعر أمير طعيمة مفاجأة حول شيرين عبد الوهاب بعد اختفاءها الفترة الماضية وتردد أخبار حول دخولها المستشفى لتلقي العلاج، وخروج حسام حبيب يتهم أسرة شيرين بأنهم السبب وراء ما حدث لها، وأكدت أن الفنانة تحتاج لمنقذ.

أزمة شيرين عبد الوهاب

كتبت جيني كامل عبر حسابها بموقع التواصل الاجتماعي فيسبوك: 'كلمتبن حق لوجه الله، شيرين عبد الوهاب من أكثر الشخصيات شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها بل بالعكس لها أفضال على ناس كتير وبدون مقابل'.

وتابعت: 'تقريبا أنا الوحيدة اللي هاجمت حسام في أزمتها قدام كل الناس في وقت تقريبا كل الناس كانت بتقول هيتصالحوا وفعلا أتصالحوا بعدها، قابلتها السنة اللي فاتت في الرياض في حفلة الموجي، في فواصل المطربين حسام شافني خرج قالت له بقولك ايه بتحبني وبتدافع عني إلا چيني، وفعلا قولت لها لو موتوا بعض أنا مش هتدخل'.

منشور طليقة أمير طعيمة

ماذا حدث للفنانة شيرين عبد الوهاب؟

واستكملت طليقة أمير طعيمة حديثها، وقالت: 'في أزمتي الأخيرة شيرين من القلائل إللي طلبتني وألحت وقالتلي كلام قمر يضحك موت ويبكي في نفس الوقت صحيح ممكن ما نتقابلش كتير بس ممكن نرغي بالساعات في مكالمة كانت بتهزر على نفسها لأنها كانت أطلقت بالفعل من حسام وسألتها أنتي قاعدة مع مين قالت خلاتي ما تيجي تتعشي معانا، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط، هي فعلاً في أزمة وأنا مش عايزة أعرف مين سبب ولا وقت لوم للبنت'.

وأضافت: 'بكل أمانة أنا قعدت مع أمها وأختها وأخوها وما شوفتش منهم غير انهم ناس طيبين وعايزينها مبسوطة وعند نفس رأيي اللي يشوف مراته حالتها الصحية والفنية بتدهور كده يبقي سبب لأنه كان لازم يكون له دور لانه ولي آمرها حتي بالعافية وخصوصا إنها بتحبه وأكيد كانت هتسمع كلامة، أنا شايفة ناس نطت من المركب والبنت بتغرق بدل ما نشد أيد بعض أحنا مصممين نغرق بعض'.

وأردفت: 'في المواقف دي أنا ما بستأذنش حد أساعده أنا بروح علي طول لكن للاسف أنا لا عارفة هي فين ومع مين في الاخر البنت دي موهبة كبيرة وقبل الموهبة هي إنسانة، أقفوا جنبها ولو في حد. منقذ يتدخل بأيده بقي بعقل بفلوس بنفوذ بسلطة يخش يخلص، ده اللي أنا بفهمه، حد يخش يخلص أو هنصحي يوم نعيط بس كلنا'.

تامر عاشور يدعم أسرة شيرين

وعلى جانب أخر، خرج الفنان تامر عاشور عن صمته، بشأن أزمة الفنانة شيرين عبد الوهاب مع أسرتها، بعد ظهور تسريبات صوتية لطليقها الفنان حسام حبيب، وهو يتحدث مع أحد الأشخاص ويخطره بأن محمد شقيق شيرين عبد الوهاب السبب في ابتعادها عن جمهورها وعن الساحة الفنية مؤخرًا.

وأكد تامر عاشور على أن الكلام الذي يتضمنه التسريبات الصوتية لـ حسام حبيب كذب، وليس لها أساس من الصحة وأن شيرين عبد الوهاب منعزلة عن أسرتها خلال الـ ٣ سنوات الماضية.

وأوضح تامر عاشور من خلال صفحته الرسمية على موقع «X - تويتر سابقًا»، قائلاً: «كل اللي اقدر اقوله في موضوع شيرين عبد الوهاب .. ان مفيش كلمه واحده بس من اللي اتقالت وانتشرت صح أنا قريب من اهل شيرين ووالدتها واخوها».

وأضاف تامر عاشور قائلاً: «أنا برضه اقولها اني بحبها وكل الدنيا بتحبها وتحب فنها … أهل شيرين مظهروش ف حياتها اخر سنتين تلاته اهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الأرض شيل».

وأشار تامر عاشور، قائلاً: «يارب يبعد عنها كل خبيث واناني وفاشل وممثل . هي اطيب منهم كلهم وهم اللي وقعوها فكل مشاكلها 'انت بمن حولك ' لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهولة».

وختم تامر عاشور حديثه قائلاً: «أنا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحة … اهل شيرين هم هم اهل شيرين من زمان قوي .. بالعقل».