طليقة مسلم تخرج عن صمتها وتكشف سبب الانفصال

ياسمين حمادة 06 مارس 2024 | 11:02 صباحاً

خرجت ميكا البغدادي طليقة مطرب المهرجانات مسلم عن صمتها، وردت على تصريحات طليقها بشأن دخولها في قصة حب جديدة وطلبها للطلاق.

قالت طليقة مسلم في مقطع فيديو عبر حسابها الرسمي بموقع انستجرام: «مكنتش عايزة اتكلم لأن فيه طفل وقرار الطلاق أنا اللي طالبة واعترف إنه على علاقة بواحدة بقاله سنة ونص وده سبب من الأسباب وقرار الطلاق اتأخر».

تصريحات طليقة مسلم

وتابعت: «وأسباب تانية أحب احتفظ بها لنفسي وخدت قراري وأنا قده ومش هقدر أكمل في الحياة دي ومش عايزاها ورد فعلي كان سكوت هو عارف عمل فيّ إيه لا موقف واحد ولا اتنين ولا ثلاثة ولا عشرة وكان في الآخر عايز يصلح كل حاجة ومتمسك بالبيت وهو قال بلسانه عاذرك لأن اللي شوفتيه مش قليل».

واستكملت طليقة المطرب مسلم قائلة: «بدأت أكون بني آدمة بعد الطلاق ماكنتش كدة وماكنتش عايشة بسبب اللي كنت بشوفه أنا مقررة إني مش عايزاك واللي بتعمله علشان تضايقني مش فارق لي وماتضيقتش شايف حياتك من وأنا مراتك وقلت كلام افترى وهرد عليك قدام الناس أنا مخدتش كل حقوقي».

طليقة مسلم

مسلم وطليقته ميكا البغدادي

وأضافت: «فاض بيا وساكتة لكن مش لدرجة في الآخر يتقال إن فيه حد في حياتي وواخدة حقوقي ومعايا أدلة ممكن أطلعها بس أنا مش عايزة اتكلم والبنت اللي خطبها هو لسة عارفها ورد فعل الناس وهجومهم ضده أنا ماليش ذنب فيه.. من أول يوم محترمة إن فيه طفل ومش عايزة ابني يعيش في الحياة دي ولا رديت على تلقيحاته ولا كلامه».

واختتمت طليقة مسلم مطرب المهرجانات تعليقها قائلة: «ولما عرفت إنه هيخطب فرحتله وبقول الكلام ده علشان أرد كرامتي وكرامة أهلي اللي عاشوا معايا معاناة كبيرة».

وأشارت إلى أنها خرجت وكشفت هذه الأمور، بسبب رفضه للظهور ونفي كلامه عنها الذي وصفته بالافتراء.

خطوبة المطرب مسلم

استطاع مؤدي المهرجانات مسلم، أن يتخطى أحزانه ومشاكله الزوجية الماضية سريعًا بعد انفصاله عن زوجته الأولى في منتصف شهر ديسمبر 2023 أي منذ قرابة شهرين، حيث احتفل يوم الخميس 29 فبراير 2024 ، بخطوبته على يارا، وهي إحدى الفتيات التي اختارها قلبه، في قصر البارون، بحضور الأهل وأصدقاء العروسين المقربين.

وشارك مسلم، جمهوره عبر صفحته الرسمية على موقع انستجرام، مجموعة صور من حفل خطوبته وكتب قائلاً: «النهارده بجد عرفت أن نهاية 2023 أجمل نهاية بالنسبة ليا، ‏وأصبحت أجمل إنسانة في حياتي اللي ربنا كرمني بيها بعد تعب كبير ومشاكل كتير في حياتي».

ووجه مسلم حديثه لخطيبته الجديدة، قائلاً: «بحبك جدًا وربنا ياخليكي ليا ونفضل سند لبعض وضهر جامد يا أجمل يارا».

مسلم وزوجته الأولى