طليقي مليونير وبيطلب فلوس مواصلات عشان يشوف بنته".. كريمة: "نفسي ياخدها في حضنه ولو مرة"

روت كريمة تفاصيل معاناتها مع طليقها، مؤكدة أنه انفصل عنها منذ أكثر من 10 سنوات، ورفض طوال تلك الفترة التواصل مع ابنته الوحيدة، رغم حالته المادية الميسورة.

وقالت، وهي تبكي: "نفسي طليقي ياخد بنته في حضنه.. كل اللي نفسها فيه تشوف أبوها، لكنه بيقولي ابعتيلي فلوس المواصلات عشان أجي أشوفها، وهو تاجر مواشي كبير وغني جدا."

أوضحت كريمة خلال لقائها مع الإعلامية نهال طايل في برنامج "تفاصيل" المذاع على قناة صدى البلد 2، أن طليقها كان يحصل على راتبها أثناء عملها مساعدة للفنانة سلوى عثمان، مضيفة: "كان بياخد مرتبي من شغلي، وكمان كان بيضربني، واستحملت عشان ماكنتش عايزة آخد لقب مطلقة."

وأضافت أن ابنتها تعيش أزمة نفسية بسبب غياب والدها، قائلة: "بنتي بتموت وتشوف أبوها، والعيال في الشارع بيعيروها ويقولولها: إنتِ أمك مطلقة، وبيضربوها، وهي نفسها بس يحضنها أو يسأل عليها."

وتفاعل رواد مواقع التواصل مع تصريحات كريمة، خاصة بعد ظهورها وهي تبكي على الهواء، مطالبة بحق ابنتها في رؤية والدها واحتوائه لها.