طليق زوجة حسن شاكوش: عمري ما ممديت إيدي عليها ومعرفش مرفوع عليا قضايا ليه.. فيديو

إسماعيل هاني 07 مايو 2023 | 08:41 مساءً

كشف طليق ريم طارق، تفاصيل قصته مع زوجة شاكوش طليقته السابقة والزوجة الحالية لـ مغني المهرجانات حسن شاكوش.

طليق ريم طارق: كانوا ساكنين بفيصل واثناء فترة الزواج سكنوا بالشيخ زايد

وقال أحمد طليق ريم طارق، ببرنامج تفاصيل تقديم الإعلامية نهال طايل والمذاع على قناة صدى البلد: أنا كنت ساكن في فيصل وهي كانت من سكان فيصل جنبي، وكنت أعرفها من قبل أهلها ما يعرفوني، ودخلت البيت من بابه واتقدمتلها ووافقوا عليا، وأثناء فترة الجواز مشيوا من فيصل وراحوا سكنوا في الشيخ زايد.

طليق زوجة شاكوش: كل مشكلة بينا كنت بروح أشتكي لوالدها

تابع طليق ريم طارق: أنا مكنتش بضربها ومضربتهاش علقة موت ولا حاجة، وعمري ما ممديت ايدي عليها، وكل مشكلة بينا كنت بروح أشتكي لوالدها.

طليق ريم: كان فيه ظروف معينة للطلاق

واستكمل طليق ريم طارق حديثه على قناة صدى البلد: كان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير اني عايز أعيش في استقرار.

وأضاف: مرفوع عليا قضايا منقولات وايصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها.