طولان : المنتخب ولد يتيما.. والولاد عملوا اللي عليهم

علق حلمي طولان ، المدير الفني لمنتخب مصر المشارك ببطولة كأس العرب، على إقصاء الفراعنة من دور المجموعات للبطولة بعد الهزيمة أمام الأردن بثلاثية نظيفة.

وقال حلمي طولان، عقب اللقاء:" الولاد عملوا اللي عليهم ، هي دي الكورة بتوصل وبتضيع، المنتخب ده ولد يتيما بفعل فاعل ، وبشكر اتنين بس ، المهندس هاني أبو ريده ، وإعلامي واحد فقط وهو مدحت شلبي".

وواصل:" المسؤول عن هذه الإهانة لـ الكرة المصرية ، هو واحد فقط ، واحد فقط ، هو المسؤول عن إيقاف الدوري او استمرار الدوري ، واحد فقط".

وتابع:" كلفت بهذه المهمة في ظروف صعبة جدا ، 3 شهور كان مطلوب مننا اعداد منتخب واختيار منتخب ولعب البطولة ، انا قبلت المهمه عشان كلفت من قبل اتحاد الكرة ، وتوليت هذه المسؤولية دون مقابل ".

وأضاف:" لازم كله يعرف اني مش باخد فلوس مقابل المهمه دي ، برد جزء من اللي بلدي بتعمله لينا ، اختارنا فريق وكان في 7 لاعيبه مميزين جدا معانا في الأول ، وحرمنا منهم بفعل فاعل".

وأكمل:" الكل يعلم المستوي الجيد لعناصر نادي بيراميدز ، لما أجي بطولة من غير 7 لاعيبه أساسين عشان الدوري متوقفش ، دي مسؤولية مين إني أجي من غير 7 لاعيبه سوبر وأساسين، معروف في الدنيا كلها إن الدوري بيتعمل عشان المنتخبات.".